Skráning vegna aðgerða gegn peningaþvætti og fjármögnun hryðjuverka

Eftirlitið byggir á lögum nr. 140/2018 um peningaþvætti og fjármögnun hryðjuverka. Í 36. gr. laganna er kveðið á um þá einstaklinga og lögaðila sem eru skráningarskyldir hjá Skattinum.

Þessir aðilar geta nú skráð sig í gegnum þjónustuvef Skattsins.

Samkvæmt ákvæðinu eru eftirfarandi einstaklingar og lögaðilar sérstaklega skráningarskyldir hjá ríkisskattstjóra*:

• Aðilar á sviði fjárvörslu og fyrirtækjaþjónustu

• Aðilar sem færa bókhald eða sinna bókhaldsþjónustu fyrir þriðja aðila

• Skattaráðgjafar

• Aðilar sem selja eðalmálma og eðalsteina

• Listmunasalar og listmunamiðlarar, þar á meðal listmunagallerí og uppboðshús

* Fjármálafyrirtæki, endurskoðunarfyrirtæki og lögmannsstofur eru undanþegin skráningarskyldu þessari.

Hvernig get ég skráð minn rekstur á þessa skrá?

Einstaklingar finna umsóknina á sínum þjónustuvef eftir innskráningu með rafrænum skilríkjum eða veflykli.

Í tilviki lögaðila þarf að skrá sig inn á veflykli/skilalykli viðkomandi félags.

Opna umsókn

Ítarefni

Nánari upplýsingar um tilkynningarskylda aðila