37. fundur EDPB; tvennar leiðbeiningar og stofnun vinnuhóps vegna kvartana í kjölfar Schrems II

Að venju voru fjölmörg atriði á dagskrá ráðsins, en þau helstu voru:

• Leiðbeiningar um hugtökin ábyrgðaraðili og vinnsluaðili skv. persónuverndarreglugerðinni.

• Leiðbeiningar um notkun persónuupplýsinga til að ná til tiltekinna hópa á samfélagsmiðlum (e. targeting of social media users).

• Stofnun vinnuhóps um kvartanir sem hafa verið lagðar fram í kjölfar dóms Evrópudómstólsins í Schrems II. Samanlagt hefur 101 kvörtun verið lögð fram hjá persónuverndarstofnunum innan EES af hálfu samtakanna „None of your business“, öðru nafni „NOYB“, varðandi notkun tiltekinna ábyrgðaraðila á þjónustum Google og/eða Facebook.

• Stofnun vinnuhóps varðandi undirbúning að tillögum um hvernig aðstoða megi ábyrgðaraðila og vinnsluaðila við að koma auga á og innleiða viðeigandi verndarráðstafanir til að tryggja fullnægjandi vernd persónuupplýsinga þegar þær eru fluttar til þriðja ríkis.

Fréttatilkynning EDPB vegna 37. fundar ráðsins.

Leiðbeiningar ráðsins og önnur bréf sem samþykkt eru á fundum þess eru birt á vefsíðuráðsins að loknum prófarkalestri.