Stafrænt Ísland

Mínar síður

Efnisyfirlit

Um Mínar síður

Hvað þarf stofnun að gera?

Tæknilegar upplýsingar

Mínar síður fá aðgengisviðurkenningu

Spurt og svarað um Mínar síður

Um Mínar síður

Hlusta

Markmið með Mínum síðum Ísland.is er að það verði til einn staður fyrir einstaklinga og lögaðila til að nálgast gögn og sækja sér þjónustu þvert á stofnanir ríkisins.

Mínar síður á Ísland.is

Hvað má finna á Mínum síðum?

Stafrænt pósthólf

Meginsamskiptaleið ríkisins er stafræn og allar stofnanir sem hafa innleitt stafræna pósthólfið senda gögn til notenda í stafræna pósthólfið sem aðgengilegt er á Mínum síðum Ísland.is.

Mínar upplýsingar

Hér finnur notandi upplýsingar sínar og fjölskyldu sinnar úr Þjóðskrá og/eða Fyrirtækjaskrá.

Fjármál

Undir fjármálum birtast upplýsingar frá Fjársýslunni um stöðu notanda hjá ríkissjóði og öðrum stofnunum, ásamt fleiri aðgerðum.
Skuldleysisvottorð.
Umsókn um greiðsluáætlun.

Umsóknir

Staða á stafrænum umsóknum sem notandinn hefur sótt um hjá hinu opinbera.

Menntun

Einkunnir þínar og barna þinna úr samræmdum könnunarprófum allt frá árinu 2020 sem sóttar eru til Menntamálastofnunar eru birtar á Mínum síðum. Unnið er að því að því að koma öllum einkunnum úr menntakerfi Íslands á einn stað.

Fasteignir

Hér finnur notandi upplýsingar um fasteignir sínar, lönd og lóðir frá Húsnæðis- og mannvirkjastofnun.
Veðbókarvottorð.

Ökutæki

Upplýsingar um ökutæki notanda, ökutækjaferil og uppfletting í ökutækjaskrá Samgöngustofu.
Skilavottorð.

Upplýsingar um skírteini og starfsleyfi

Í dag birtast meðal annars ökuskírteini, vinnuvélaréttindi, ADR-skírteini, skotvopnaleyfi og upplýsingar um vegabréf.
Að svo stöddu birtast einungis starfsleyfi kennara en unnið er að því að setja fleiri starfsleyfi þarna inn.

Mínar síður vaxa jafnt og þétt í tímans rás, eftir því sem fleiri stofnanir nýta sér þjónustugáttina.

Mínar síður búa ekki til ný og fleiri gögn heldur safna og sýna núverandi gögn frá ýmsum stofnunum.

Mínar síður á Ísland.is - kynningarmyndband

Að veita öðrum aðgang að Mínum síðum

Einstaklingar geta gefið öðrum aðgang með umboði, í nokkrum einföldum skrefum.

Þú skráir þig inn með þínum persónulegu rafrænu skilríkjum á Mínar síður.
Velur Aðgangsstýring.
Þar getur þú valið hverjum þú vilt veita aðgang, að hverju og í hversu langan tíma.

Einstaklingurinn sem fær umboðið getur í kjölfarið skráð sig inn fyrir hönd þess sem veitti umboðið.

Prókúruhafar fyrirtækja, félagasamtaka og stofnana geta veitt öðrum umboð með Umboðskerfi Ísland.is. Það er gert í nokkrum einföldum skrefum:

Þú skráir þig inn á Mínar síður sem fyrirtæki (eða skiptir yfir á fyrirtækið í hægra efra horni).
Velur Aðgangsstýring.
Þar getur þú valið hverjum þú vilt veita aðgang, að hvaða virkni eða gögnum og hversu lengi aðgangurinn á að vera virkur.

Veita öðrum aðgangsstýringarréttindi fyrir hönd prókúruhafa

Prókúruhafar geta einnig gefið einstaklingum aðgangsstýringarréttindi, með þeim getur viðkomandi veitt öðrum aðgang að Mínum síðum fyrir hönd prókúruhafans. Það er gert í nokkrum einföldum skrefum:

Þú skráir þig inn á Mínar síður sem fyrirtæki (eða skiptir yfir á fyrirtækið í hægra efra horni).
Velur Aðgangsstýring.
Velur þann aðila sem veita á aðgangsstýringarréttindi, hakar í Aðgangsstýring og merkir hvaða gögn sá aðili á að geta séð og gefið öðrum aðgang að.

Sá sem fær aðgangsstýringarréttindi getur í kjölfarið skráð sig inn fyrir hönd fyrirtækisins og veitt öðrum aðgang að ákveðnum gögnum þess.

Einstaklingar sem ekki eiga rafræn skilríki geta skráð umboðsmann til að sinna málum fyrir sína hönd. Sá sem fær umboðið getur í kjölfarið skráð sig inn sig á Mínar síður og skoðað gögn sem umboðið nær til.

Athugið að umboð þetta veitir allsherjarumboð að stafrænum þjónustum í gegnum Umboðskerfi Ísland.is. Það veitir ekki umboð að öðrum þjónustum eða kerfum.
Aðeins einstaklingar geta veitt umboð til annara einstaklinga á pappír, umsókn þessi er ekki ætluð fyrirtækjum.

Eyðublað fyrir umboð á pappír - einstaklingar

PDF

Þú sækir um í nokkrum einföldum skrefum:

Prentar út eyðublað hér að ofan.
Fyllir út alla reiti í eyðublaði.
Lætur tvo votta skrifa undir (ef vottar eru erlendir þarf að skila afriti af skilríkjum með eyðublaðinu).
Skannar eyðublaðið eða tekur mynd af því.
Sá sem verða á umboðsmaður sendir eyðublaðið til Ísland.is í gegnum umsóknarform hér að neðan.

Senda inn umboð á pappír

Erlendir prókúruhafar, sem eiga ekki íslensk rafræn skilríki, geta skráð einstakling á Íslandi til þess að sinna málum fyrir hönd síns fyrirtækis. Með umboðinu getur sá einstaklingur m.a opnað gögn fyrirtækisins á Mínum síðum Ísland.is og sent inn umsóknir.

Þetta getur verið gagnlegt fyrir erlenda prókúruhafa fyrirtækja sem þurfa að annast ýmis málefni á Íslandi en geta ekki nýtt sér rafræn skilríki.

Athugið að umboð þetta veitir allsherjarumboð að stafrænum þjónustum í gegnum Umboðskerfi Ísland.is. Það veitir ekki umboð að öðrum þjónustum eða kerfum.
Aðeins erlendir prókúruhafar geta veitt umboð til annara einstaklinga á pappír, ekki er tekið á móti umsóknum íslenskra prókúruhafa með lögheimili á Íslandi.
Erlendir prókúruhafar þurfa að skila inn afriti af vegabréfi.

Eyðublað fyrir umboð á pappír - erlendir prókúruhafar

PDF

Þú sækir um í nokkrum einföldum skrefum:

Prentar út eyðublaðið hér að ofan
Fyllir út alla reiti í eyðublaðið
Lætur tvo votta skrifa undir (ef vottar eru erlendir þarf að skila afriti af skilríkjum með eyðublaðinu)
Skannar eða tekur mynd
Sá einstaklingur sem tekur að sér að verða umboðsmaður fyrir hönd prókúruhafans sendir eyðublaðið auk afrits af skilríkjum prókúruhafans í gegnum umsókn hér að neðan

Senda inn umboð á pappír

Einstaklingur sem hefur veitt öðrum umboð og þar með aðgang að Mínum síðum, getur alltaf afturkallað umboðið í nokkrum einföldum skrefum.

Einstaklingar:

Þú skráir þig inn með þínum persónulegu rafrænu skilríkjum á Mínar síður.
Velur Aðgangsstýring.
Velur þann einstakling sem á að afturkalla umboðið hjá og eyðir umboði.

Einstaklingurinn sem áður hafði umboð mun ekki lengur getað skráð sig inn fyrir hönd þess sem hann hafði umboð fyrir, og fær sjálfvirka tilkynningu þess efnis.

Fyrirtæki:

Þú skráir þig inn með þínum persónulegu rafrænu skilríkjum á Mínar síður.
Þú skiptir yfir á fyrirtækið sem þú vilt loka aðgangi að. Það er gert með því að ýta á nafnið þitt í hægra horni og velja að skipta um notanda.
Þegar þú hefur skráð þig inn sem viðkomandi fyrirtæki velur þú Aðgangsstýring.
Þar velur þú þann einstakling sem á að afturkalla umboðið hjá og eyðir umboði.

Einstaklingurinn sem áður hafði umboð mun ekki lengur getað skráð sig inn fyrir hönd fyrirtækisins, og fær sjálfvirka tilkynningu þess efnis.