Bólusetningar - yfirlit

Skráning bólusetninga

Haldin er miðlæg skrá yfir allar bólusetningar á Íslandi (frá 2002/2003). Í skránni kemur fram:

Hver var bólusettur
Hvaða bóluefni var gefið
Hvenær það var gefið
Ástæða ef bólusetningu var neitað.

Upplýsingar um bólusetningar sem voru framkvæmdar fyrir 2002 eru einungis til á þeim stöðum þar sem bólusetning fór fram. Einnig hægt að senda fyrirspurn á heilsugaeslan@heilsugaeslan.is.

Notagildi miðlægrar bólusetningaskrár

Nákvæmar upplýsingar fást um þátttöku í bólusetningum.
Gott mat fæst á hættunni á að bólusetningasjúkdómar blossi upp hér á landi.
Auðvelt verður að finna einstaklinga sem eru óbólusettir og eiga á hættu að fá bólusetningasjúkdóma
Heilbrigðisstarfsmenn geta auðveldlega fengið upplýsingar á einum stað um allar fyrri bólusetningar einstaklinga.
Almenningur getur fengið upplýsingar um fyrri bólusetningar sínar burtséð frá því hvar þær voru gerðar.

Ábyrgðaraðili: Sóttvarnalæknir.

Vinnsluaðili: Sóttvarnalæknir.

Tilgangur: Að fylgjast með þátttöku í bólusetningum á Íslandi og meta hættuna á að upp komi faraldrar sjúkdóma sem bólusett er gegn.

Innihald: Upplýsingar um allar bólusetningar á Íslandi.

Tímabil: Rafrænar upplýsingar um bólusetningar frá 2002/2003.

Uppruni gagna: Rafrænt skráðar bólusetningar á sjúkrastofnunum og skólum á Íslandi.

Skráningaratriði: Nafn, kennitala, fæðingardagur og búseta hins bólusetta. Dagsetning og staðsetning bólusetningar. Sérlyfjaheiti bóluefnis ásamt innihaldsefnum.

Sambærileg eða skyld gagnasöfn: Vísir að sambærilegum skrám er til staðar á hinum Norðurlöndunum.

Úrvinnsla og birting: Árlega eru unnar upplýsingar um þátttöku í bólusetningum sem sendar eru í alþjóðlega gagnagrunna og einnig er unnið með upplýsingar með aðilum íslenska heilbrigðiskerfisins.

Saga: Miðlæg skrá um bólusetningar hefur ekki verið til á Íslandi fyrr en með tilkomu bólusetningagrunns sóttvarnalæknis. Upplýsingar um eldri bólusetningar en frá árinu 2002 eru einungis til á þeim stöðum þar sem bólusetning fór fram.

Þjónustuaðili

Embætti landlæknis