Nauðsynleg heilbrigðisþjónusta býðst öllum sem þurftu að yfirgefa Grindavík vegna rýmingar.

Grindvíkingar geta nú nýtt sér heilsugæsluþjónustu og aðra nauðsynlega heilbrigðisþjónustu í sínu nærumhverfi.

Á þetta við um alla almenna heilsugæsluþjónustu s.s. almenna læknisþjónustu, ung-og smábarnavernd, mæðravernd, bólusetningar o.fl.

Enn fremur er vísað til þess að þau sem þarfnast heilbrigðisþjónustu geta leitað til þeirrar heilsugæslustöðvar sem þau kjósa, þrátt fyrir að vera að jafnaði skráð á ákveðna heilsugæslustöð.