Aðgengi að Grindavík

Lögreglustjórinn á Suðurnesjum stjórnar aðgengi að Grindavík.

Eigendur sæki lykla að eignum sínum

Hægt er að nálgast ósótta lykla í móttöku þjónustuvers Grindavíkurbæjar sem staðsett er í Tollhúsinu, Tryggvagötu 19 í Reykjavík. Hægt verður að nálgast lyklana gegn framvísun skilríkja á virkum dögum á milli 12.00-16.00 til 1. júní 2024. Eftir þann tíma munu ósóttir lyklar verða færðir í munavörslu.

Almannavarnir ítreka að eftirlit með fasteignum vegna verðmætabjörgunaraðgerða þar sem alvarlegum frostskemmdum á fasteignum var varnað í ársbyrjun 2024 er lokið. Komi til rýmingar vegna frekari jarðhræringa eða eldgosa mun slíkt eftirlit haldast hjá eigendum fasteigna líkt og áður hefur fram komið.

Aðstoð við flutning búslóða

Almannavarnir bjóða uppá stuðning við pökkun, flutning og geymslu fyrir einstaklinga og fjölskyldur sem eru í viðkvæmri stöðu. Umsóknir fara fram í gegnum félagsþjónustu Grindavíkur. Þau sem telja sig í þörf fyrir slíkan stuðning er bent á að hafa samband við félagsþjónustuna í síma 420-1100 eða á netfangið felagsradgjafi@grindavik.is. Einnig er hægt að fá viðtal við félagsráðgjafa í þjónustumiðstöðvunum tveimur, þ.e. Tollhúsinu við Tryggvagötu og Rauða Krossinum í Reykjanesbæ.  Athugið að þjónusta þessi miðast við flutninga á búslóð frá Grindavík.