Á tímabilinu maí, júní, júlí og ágúst er heimilt að veiða á handfæri allt að 10.000 tonn af þorski, 1.000 tonn af ufsa og 100 tonn af gullkarfa á strandveiðum.
Hverjum strandveiðibát er heimilt að stunda strandveiðar í 12 veiðidaga innan hvers mánaðar, mánuðina maí, júní, júlí og ágúst.
Ekki má stunda veiðar á föstudögum, laugardögum og sunnudögum. Einnig eru veiðar óheimilar á uppstigningardag, annan í hvítasunnu og á frídegi verslunarmanna.
Veiðiferð má ekki standa lengur en í 14 klst. og eingöngu er heimilt að fara í eina veiðiferð á hverjum degi.
Skipstjóri skal tilkynna um upphaf veiðiferðar til vaktstöðvar siglinga. Skylt er að vera með sjálfvirkan fjareftirlitsbúnað um borð.
Hámarksfjöldi handfærarúlla um borð eru 4 og ekki er heimilt að hafa önnur veiðarfæri um borð.
Eingöngu er heimilt að draga 650 kg, í þorskígildum talið, af kvótabundnum tegundum í hverri veiðiferð og skal öllum afla landað í lok veiðiferðar og hann vigtaður endanlega á Íslandi. Þorskígildi miðast við slægðan fisk.
Skila þarf afladagbók eftir hverja veiðiferð.
Þjónustuaðili
Fiskistofa