Afladagbók
Skipstjórum veiðiskipa sem hafa veiðileyfi í atvinnuskyni er skylt að halda afladagbækur í samræmi við gildandi reglur.
Hvers vegna eru afladagbækur mikilvægar?
Skráning í afladagbók er grundvallarþáttur í eftirliti, rekjanleika og vottun sjávarafla. Upplýsingar úr afladagbókum eru einnig nýttar af fleiri stjórnvöldum og stofnunum í lögbundnum tilgangi.
Eftirlit, skráning og rannsóknir
Hvernig eru gögnin nýtt?
Gögn úr afladagbókum eru meðal annars notuð til:
eftirlits með skráningu afla,
eftirlits með skráningu fisktegunda,
upplýsingagjafar til hafnarvarða við löndun afla,
rannsókna á vegum Hafrannsóknastofnunar,
eftirlitsverkefna Landhelgisgæslunnar.
Rekjanleiki afla og vottun
Skráning í afladagbók er forsenda rekjanleika afla.
Hver veiðiferð fær sérstakt rekjanleikanúmer sem fylgir aflanum:
frá veiðum
til vigtunar
og áfram til vinnslu
Rekjanleiki er lykilatriði í vottun sjávarafla og getur verið skilyrði fyrir aðgangi að erlendum mörkuðum.
Hvernig á ég að skila inn afladagbók?
Afladagbók á að skila áður en skip leggst að bryggju til löndunar.
Skil fara fram í gegnum vefþjónustu með búnaði sem uppfyllir kröfur Fiskistofu og hefur hlotið samþykki stofnunarinnar.
Samþykktar lausnir eru:
Hvað á að skrá í afladagbók?
Eftirfarandi upplýsingar eiga að vera skráðar í afladagbók:
Nafn skips og skipaskrárnúmer.
Veiðarfæri, gerð og stærð.
Staðarákvörðun (breidd og lengd).
Afli eftir magni og tegundum.
Veiðidagur.
Löndunarhöfn og löndunardagur.
Sjófugl eftir fjölda og tegundum.
Sjávarspendýr eftir fjölda og tegundum.
Upplýsingar um afla sem veiddur er en sleppt í samræmi við fyrirmæli laga eða annarra stjórnvaldsfyrirmæla.
Upplýsingar um tíma veiðarfæra í sjó, hvenær þau eru lögð og hvenær þau eru tekin upp.
Mikilvægt er að skrá allar upplýsingar sem beðið er um á því formi sem skilað er inn á. Einnig á að skrá eins nákvæmlega og unnt er áætlað aflamagn og sjávarspendýr og fugla sem koma í veiðarfæri skipa.
Vanskil afladagbóka
Ef skipstjóri skilar ekki afladagbók til Fiskistofu, skilar ekki á réttu formi eða innan tímamarka er bréf sent á útgerð og mál tekið til stjórnsýslumeðferðar innan stofnunarinnar. Ítrekuð brot geta leitt til veiðileyfissviptingar.
Vandamál við skil
Ef skipstjórar lenda í vandræðum með stafrænar lausnir þá skal leita til þjónustuaðila þeirra lausna. Mikilvægt er að tilkynna Fiskistofu um bilun svo fljótt sem auðið er á netfangið afladagbok@fiskistofa.is.
Þjónustuaðili
Fiskistofa