Verkefnisstjóri í námsteymi hjá Endurmenntun HÍ

Laust er til umsóknar fullt starf verkefnisstjóra í námsteymi hjá Endurmenntun HÍ. Verkefnisstjórinn er hluti af teymi sem vinnur að þróun og umsjón fræðslu og náms. Starfsfólk Endurmenntunar HÍ starfar við að efla hæfni og þekkingu fólks í starfi og einkalífi. Með nýsköpun, góðum tengslum við atvinnulífið og traustan grunn í Háskóla Íslands hefur Endurmenntun HÍ verið í fararbroddi í símenntun á Íslandi í 40 ár.

• Nýsköpun og þróun námskeiða

• Umsjón með gerð námskeiðslýsinga í samstarfi við kennara

• Gerð fjárhags- og tímaáætlana og eftirfylgni með þeim

• Þarfagreining fyrir fræðslu

• Samskipti og samstarf við nemendur, kennara og samstarfsaðila við HÍ og í atvinnulífinu

• Samningagerð við kennara námskeiða

• Framhaldsmenntun á háskólastigi sem nýtist í starfi

• Reynsla af verkefnastjórnun á sviði fullorðinsfræðslu, náms eða viðburða er æskileg

• Reynsla af vinnu við stafrænt fræðsluefni er æskileg

• Reynsla af þarfagreiningu fyrir fræðslu er æskileg

• Frumkvæði, nákvæmni og sjálfstæði í vinnubrögðum

• Góð samstarfs- og samskiptahæfni og þjónustulund

• Góð íslensku- og enskukunnátta í ræðu og riti

• Góð tölvukunnátta

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Æskilegt er að viðkomandi geti hafið störf sem fyrst.

Eftirfarandi gögn skulu fylgja umsókn:

• Ferilskrá

• Kynningarbréf þar sem fjallað er um hvernig umsækjandi uppfyllir þær hæfnikröfur sem settar eru fram í auglýsingunni og hvað hann telur sig geta lagt af mörkum til starfsins

• Afrit af prófskírteinum

• Upplýsingar um umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknafrests.

Við ráðningu í störf í Háskóla Íslands er tekið mið af jafnréttisáætlun skólans. Vakin er athygli á málstefnu Háskóla Íslands.

Háskóli Íslands hefur frá stofnun verið undirstaða atvinnulífs og framfara í íslensku samfélagi. HÍ er jafnframt framsækinn rannsóknarháskóli og virkur þátttakandi í alþjóðlegu vísindasamstarfi.

Háskóli Íslands er stærsti háskóli landsins og býður upp á hátt í 400 námsleiðir á grunn-, meistara- og doktorsstigi. Um 14.000 nemendur stunda nám við skólann, þar af yfir 2.000 alþjóðlegir nemar.

Við Háskóla Íslands starfa yfir 1.800 manns. Skólinn leggur áherslu á að laða til sín fjölbreyttan hóp starfsfólks og stúdenta í alþjóðlegt fræðasamfélag þar sem akademískt frelsi, fagmennska, jafnrétti, fjölbreytileiki og inngilding eru í öndvegi. 36 stunda vinnuvika hefur verið innleidd í stjórnsýslustörfum skólans.

Nánar um Háskóla Íslands, fræðasvið hans og deildir