Doktorsnemar í lýðheilsuvísindum

Laus eru til umsóknar tvö full störf fyrir doktorsnema í lýðheilsuvísindum við Miðstöð í lýðheilsuvísindum, Háskóla Íslands. Stöðurnar eru styrktar af Rannís til þriggja ára og eru verkefnin unnin í samstarfi við Sálfræðideild Háskólans í Reykjavík.

Doktorsverkefnin eru hluti af stóru rannsóknarverkefni, unnin í samvinnu við alþjóðlegt teymi vísindafólks, sem snýr að heilsu þeirra íbúa sem bjuggu við síendurteknar jarðhræringar og ógn af eldgosavirkni í Grindavík og þeim áhættu- og verndandi þáttum sem tengjast andlegri og líkamlegri heilsu þeirra. Annað doktorsverkefnið mun beinast að börnum og hitt að fullorðnum.

• Rannsaka áhrif náttúruhamfara á heilsu og þá áhættu- og verndandi þætti sem tengjast þeim

• Þátttaka í undirbúningi og framkvæmd rannsóknar, m.a. gagnaöflun með spurningalistum, lýðgrunduðum gagnagrunnum og eigindlegum viðtölum

• Gagnagreining

• Ritun vísindagreina og miðlun niðurstaðna í samstarfi við innlent og alþjóðlegt vísindasamfélag

• Meistaragráða í lýðheilsuvísindum, faraldsfræði, sálfræði, eða skyldum greinum. Umsækjandi skal hafa lokið prófi þegar starf hefst.

• Góð reynsla af gagnagreiningu í tölfræðiforritinu R eða sambærilegum forritum

• Reynsla af rannsóknum á sviðinu er kostur

• Góð færni í ritaðri og talaðri ensku

• Góð samstarfs- og samskiptahæfni

• Sjálfstæði og frumkvæði í vinnubrögðum

Ráðning er háð því að umsækjandi sæki formlega um doktorsnám í Lýðheilsuvísindum eða faraldsfræði, á Heilbrigðisvísindasviði og að umsóknin sé samþykkt af deild, sbr. Doktorsnám Heilbrigðisvísindasvið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Áætlað er að störfin hefjist í september eða eftir samkomulagi.

Eftirfarandi gögn skulu fylgja umsókn:

• Greinargerð, þar sem umsækjandi lýsir hvernig hann uppfyllir skilyrði starfsins, hvers vegna hann hefur áhuga á að vinna verkefnið og hugmyndum sínum um framlag til verkefnisins (hámark 2 blaðsíður).

• Ferilskrá.

• Staðfest afrit af prófskírteinum (grunn- og meistaranám) og einkunnadreifing.

• Upplýsingar um tvo umsagnaraðila þar sem fram koma tengsl við umsækjanda, netfang og símanúmer.

• Yfirlit yfir birtingar.

• Umsækjendum er einnig boðið að senda PDF útgáfu af meistararitgerð sinni (á hvaða tungumáli sem er), sem og aðrar birtingar sem við eiga (hámark 5 skjöl).

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknafrests.

Við ráðningu í störf í Háskóla Íslands er tekið mið af jafnréttisáætlun skólans. Vakin er athygli á málstefnu Háskóla Íslands.

Háskóli Íslands hefur frá stofnun verið undirstaða atvinnulífs og framfara í íslensku samfélagi. HÍ er jafnframt framsækinn rannsóknarháskóli og virkur þátttakandi í alþjóðlegu vísindasamstarfi.

Háskóli Íslands er stærsti háskóli landsins og býður upp á hátt í 400 námsleiðir á grunn-, meistara- og doktorsstigi. Um 14.000 nemendur stunda nám við skólann, þar af yfir 2.000 alþjóðlegir nemar.

Við Háskóla Íslands starfa yfir 1.800 manns. Skólinn leggur áherslu á að laða til sín fjölbreyttan hóp starfsfólks og stúdenta í alþjóðlegt fræðasamfélag þar sem akademískt frelsi, fagmennska, jafnrétti, fjölbreytileiki og inngilding eru í öndvegi. 36 stunda vinnuvika hefur verið innleidd í stjórnsýslustörfum skólans.

Nánar um Háskóla Íslands, fræðasvið hans og deildir