Hjúkrunarfræðingur á göngudeild augnsjúkdóma

Við óskum eftir metnaðarfullum hjúkrunarfræðingi í fjölbreytt og lifandi dagvinnustarf á göngudeild augnsjúkdóma. Göngudeildin er miðstöð augnsjúkdóma á Íslandi og samanstendur af göngudeild, dagdeild og sérhæfðum skurðstofum.

Hvað býðst þér?

Fjölbreytt og tæknilegt starf þar sem þú:

• Starfar í margvíslegum verkefnum frá móttöku til skurðstofu

• Færð einstaklingsmiðaða starfsþjálfun og skipulagða fræðslu

• Getur fengið stuðning við frekari starfsþjálfun með námsheimsókn eða sérnámi í augnhjúkrun erlendis

• Starfar í sérhæfðu umhverfi, í þverfaglegu samstarfi þar sem ríkir góður starfsandi

Vinnuskilyrði:

• Dagvinna, allt að 100% starfshlutfall (60-100%)

• 36 stundu vinnuvika í fullri dagvinnu

• Vinnuumhverfi sem stuðlar að jafnvægi milli vinnu og einkalífs

Starfið er laust nú þegar eða eftir samkomulagi.

• Móttökuþjónusta: Móttaka sjúklinga og fræðsla

• Rannsóknir: Forskoðanir, sjónmælingar, sjónsviðsmælingar og augnbotnamyndatökur

• Skurðstofa: Móttaka og aðstoð við aðgerðir og lyfjagjafir

• Gæðastarf: Þátttaka í þróun þjónustu við skjólstæðinga

• Önnur tilfallandi verkefni og undirbúningur fyrir aðgerðir

Nauðsynlegt:

• Íslenskt hjúkrunarleyfi

• Góð íslenskukunnátta

Við metum:

• Faglegan metnað og frumkvæði

• Góða samskiptahæfni og sjálfstæði í vinnubrögðum

• Áhuga á þróun verkferla og gæðaverkefna

• Reynslu af hjúkrun augnsjúklinga

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, Hjúkrunarfræðingur, hjúkrun, dagvinna

Tungumálahæfni: Íslenska 4/5

Staðsetning: Eiríksgata 5, 101 Reykjavík