Hjúkrunarfræðingur á legudeild lyndisraskana Kleppi

Við leitum að áhugasömum og metnaðarfullum hjúkrunarfræðingum til starfa á legudeild lyndisraskana á Kleppi.

Deildin er opin legudeild og dagdeild sem sinnir meðferð einstaklinga með lyndisraskanir og fjölþættan vanda. Á deildinni er unnið fjölbreytt og sérhæft starf sem einkennist af góðum starfsanda, virkri og stöðugri framþróun og fjölbreyttum tækifærum til starfsþróunar. Starfið hentar jafnt þeim sem eru að stíga sín fyrstu skref í hjúkrun og þeim sem búa yfir reynslu og vilja þróa sig áfram í sérhæfðu klínísku umhverfi. Deildin vinnur einnig í nánu samstarfi við meðferðarteymi göngudeildar lyndisraskana. Möguleiki er á að starfa að hluta til á göngudeild lyndisraskana.

Við tökum vel á móti nýju samstarfsfólki og veitum góða einstaklingshæfða aðlögun. Við leitum eftir jákvæðum og ábyrgum einstaklingi með góða samskiptahæfni. Viðkomandi þarf að hafa metnað og áhuga á að starfa við geðhjúkrun fyrir einstaklinga með alvarlegar geðraskanir

Upphafsdagur ráðningar er 1. ágúst 2026 eða eftir nánara samkomulagi og starfshlutfall 50-100%. Unnið er á breytilegum dag-, kvöld- og helgarvöktum eða eftir samkomulagi.

• Mat, skipulagning, framkvæmd, skráning og eftirfylgd hjúkrunarmeðferða

• Virk þátttaka í þverfaglegum teymum

• Meðferðarsamtöl, samskipti, fræðsla, hvatning og víðtækur stuðningur við sjúklinga og aðstandendur þeirra

• Þátttaka í umbótastarfi og þróun þjónustunnar

• Samábyrgð á góðu og innihaldsríku starfsumhverfi

• Íslenskt hjúkrunarleyfi

• Reynsla af geðhjúkrun er kostur

• Faglegur metnaður og ábyrgð í starfi sem og áhugi á geðhjúkrun

• Góð samskiptahæfni og áhugi á að starfa í þverfaglegu teymi

• Stundvísi, áreiðanleiki og lausnamiðuð nálgun

• Góð almenn tölvukunnátta

• Góð íslenskukunnátta

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, Hjúkrunarfræðingur, hjúkrun

Tungumálahæfni: íslenska 4/5

Staðsetning: Kleppsgarður, 104 Reykjavík