Hjúkrunarfræðingur á barnadeild Sjúkrahússins á Akureyri

Laus er til umsóknar staða hjúkrunarfræðings við barnadeild Sjúkrahússins á Akureyri (SAk). Um er að ræða 70% ótímabundna stöðu þar sem unnið er í vaktavinnu á þrískiptum vöktum. Staðan er laus nú þegar eða eftir samkomulagi.

Barnadeild Sjúkrahússins á Akureyri er eina barnadeild landsins utan höfuðborgarsvæðisins og skiptist í legudeild, dagdeild, göngudeild og hágæslu fyrir nýbura. Barnadeild sinnir börnum og unglingum frá fæðingu til 18 ára aldurs.

Ef þú hefur áhuga á barnahjúkrun þá er þetta tækifæri fyrir þig

Frábært tækifæri á góðum vinnustað þar sem starfsumhverfið er fjölbreytt, spennandi og lærdómsríkt.

Næsti yfirmaður er Aðalheiður Guðmundsdóttir deildarstjóri á barnadeild.

• Ábyrgð á öllum almennum verkefnum hjúkrunarfræðinga samkvæmt lögum og reglugerðum

• Unnið samkvæmt markmiðum hjúkrunar, deildarinnar og stofnunarinnar

• Fjölbreytt og gefandi verkefni í góðu starfsumhverfi

• Vera virkur þátttakandi í þróun og umbótum í starfsemi deildarinnar

• Góð handleiðsla frá reyndum hjúkrunarfræðingum

• Fullgilt hjúkrunarpróf og gilt íslenskt starfsleyfi sem hjúkrunarfræðingur

• Þekking og reynsla af barnahjúkrun er skilyrði

• Góð samskipta hæfni, jákvætt viðhorf og frumkvæði

• Sjálfstæði i vinnubrögðum sem og færni til að starfa í teymi

• Faglegur metnaður og áhugi

• Góð íslenskukunnátta

• Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu

• Hreint sakavottorð

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsóknum skulu fylgja ítarlegar upplýsingar um nám og starfsferilskrá ásamt afriti af prófskírteinum og starfsleyfi, ef við á. Tekið er mið af jafnréttisstefnu Sjúkrahússins á Akureyri við ráðningar í störf á sjúkrahúsinu. Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum. Öllum umsóknum verður svarað.

Sjúkrahúsið á Akureyri veitir alþjóðlega DNV-GL vottaða heilbrigðisþjónustu með ISO vottuðu gæðastjórnunarkerfi þar sem áhersla er á virka þátttöku allra starfsmanna til að uppfylla þær gæðakröfur sem gerðar eru í alþjóðlegum staðli sem sjúkrahúsið er vottað eftir.

Samkvæmt mannauðsstefnu Sjúkrahússins á Akureyri er lögð áhersla á að ráða til starfa og halda í hæfileikaríka einstaklinga. Við val á starfsfólki er menntun, reynsla, færni og hæfni höfð að leiðarljósi. Mannauðsstefnan er leiðarljós stjórnenda og starfsfólks sem gerir sjúkrahúsið framsækinn og eftirsóknarverðan vinnustað, en hún byggir á grunngildum sjúkrahússins sem eru: ÖRYGGI, SAMVINNA og FRAMSÆKNI.