Iðjuþjálfi á geðdeild við Sjúkrahúsið á Akureyri

Laus er til umsóknar 80-100% staða iðjuþjálfa á geðsviði Sjúkrahússins á Akureyri (SAk). Um er að ræða dagvinnustöðu frá 1. október eða eftir samkomulagi. Við leitum að öflugum liðsmanni í fjölbreytt og lærdómsríkt starfsumhverfi þar sem tækifæri er til að takast á við margbreytileg og spennandi verkefni í þverfaglegum teymum ásamt því að hafa áhrif á áframhaldandi uppbyggingu iðjuþjálfunar á geðsviði SAk.

Á dag- og göngudeildinni vinnur þú með skjólstæðingum 18 ára og eldri og færð tækifæri til að byggja upp meðferðasamband og fylgja fólki eftir í bataferli þess. Starfið er fjölbreytt, gefandi og krefjandi og gefur þér svigrúm til að nýta fagþekkingu þína til fulls. Jafnframt færðu tækifæri til að taka þátt í áframhaldandi þróun og umbótastarfi deildarinnar, þar sem unnið er markvisst að því að efla þjónustuna.

• Mat og meðferðavinna skjólstæðinga og þjónusta við þá í formi einstaklings- og hópameðferðar

• Samvinna við skjólstæðinga, fjölskyldur og samstarfsfólk þvert á faggreinar með það að markmiði að veita sem besta þjónustu við viðkomandi og/eða fjölskyldu hans

• Samstarf við aðrar starfstéttir og þáttaka í teymisvinnu

• Ábyrgð á þróun starfs og gæðum þjónustu gagnvart skjólstæðingum

• Þáttaka í starfsþjálfun og handleiðslu nema og nýrra starfsmanna ásamt miðlun fræðslu

• Þáttaka í þróun sinnar einingar hvað varðar skipulag, stefnumótun og framkvæmd starfseminnar

• Fagleg tengsl og samráð við samstarfsaðila innan og utan stofnunar

• Heldur utan um skýrslur og skráir upplýsingar í þar til gerð sjúkraskrárkerfi um meðferð skjólstæðinga, tryggir að allar upplýsingar séu skráðar með viðeigandi lögum og reglum og árangursmetur þjónustuna og þróun hennar

• Verkleg kennsla nema í iðjuþjálfun fer fram á Sjúkrahúsinu á Akureyri

• BSc. próf í iðjuþjálfun og löggildingu til að starfa sem slíkur

• Reynsla af vinnu á geðdeild og reynsla af teymisvinnu er kostur

• Góð hæfni og lipurð í mannlegum samskiptum og góð færni til samvinnu

• Skipulagshæfni, frumkvæði, áreiðanleiki og sjálfstæð vinnubrögð

• Fagleg þekking og hæfni til nýsköpunar og innleiðingar nýrra hugmynda og vinnubragða í þjónustu, í samvinnu við faglegan yfirmann

• Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu

Laun samkvæmt gildandi kjarasamningi sem fjármála- og efnahagsráðherra og Iðjuþjálfafélag Íslands hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsóknum skulu fylgja ítarlegar upplýsingar um nám og starfsferilskrá ásamt afriti af prófskírteinum og starfsleyfi, ef við á. Tekið er mið af jafnréttisstefnu Sjúkrahússins á Akureyri við ráðningar í störf á sjúkrahúsinu. Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum. Öllum umsóknum verður svarað.

Sjúkrahúsið á Akureyri veitir alþjóðlega DNV-GL vottaða heilbrigðisþjónustu með ISO vottuðu gæðastjórnunarkerfi þar sem áhersla er á virka þátttöku allra starfsmanna til að uppfylla þær gæðakröfur sem gerðar eru í alþjóðlegum staðli sem sjúkrahúsið er vottað eftir.

Samkvæmt mannauðsstefnu Sjúkrahússins á Akureyri er lögð áhersla á að ráða til starfa og halda í hæfileikaríka einstaklinga. Við val á starfsfólki er menntun, reynsla, færni og hæfni höfð að leiðarljósi. Mannauðsstefnan er leiðarljós stjórnenda og starfsfólks sem gerir sjúkrahúsið framsækinn og eftirsóknarverðan vinnustað, en hún byggir á grunngildum sjúkrahússins sem eru: ÖRYGGI, SAMVINNA og FRAMSÆKNI.