Heilsugæslan Glæsibæ - Móttökuritari

Heilsugæslan Glæsibæ leitar að skemmtilegum, jákvæðum og lífsglöðum einstaklingi sem finnst gaman að taka á móti fólki í starf móttökuritara. Um er að ræða starf í lifandi umhverfi þar sem reynir á samskiptahæfni og þjónustulund viðkomandi. Ef þér finnst gaman að tala við fólk og veita framúrskarandi þjónustu þá viljum við gjarnan fá að hitta þig.

Um er að ræða 80% ótímabundið starf og er æskilegt að viðkomandi geti hafið störf 1. september nk. eða samkvæmt nánara samkomulagi

Nánari upplýsingar um starfsemi stöðvarinnar má finna á vef Heilsugæslunnar https://island.is/s/hh

• Símsvörun, bókanir og móttaka skjólstæðinga

• Uppgjör í lok dags

• Afgreiðsla tímapantana

• Almenn upplýsingagjöf um starfsemi stöðvarinnar

• Flokkun á pósti og rafrænum sendingum ásamt skönnun og frágangi gagna

• Önnur tilfallandi verkefni

• Nám sem nýtist í starfi

• Hæfni og lipurð í mannlegum samskiptum

• Jákvæðni og rík þjónustulund

• Reynsla af móttökuritarastarfi æskileg

• Reynsla af Sögukerfi kostur

• Nákvæm og skipulögð vinnubrögð

• Góð almenn tölvukunnátta er nauðsynleg

• Íslenskukunnátta skilyrði

• Góð almenn enskukunnátta æskileg

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn skal fylgja ítarleg náms- og starfsferilskrá og kynningarbréf þar sem gerð er grein fyrir ástæðu umsóknar. Leggja skal fram staðfestar upplýsingar um menntun, fyrri störf og reynslu. Mat á hæfni umsækjenda byggist á innsendum gögnum og viðtölum við umsækjendur. Gögn sem ekki er hægt að senda rafrænt skulu berast Katli Berg Magnússyni, framkvæmdarstjóra mannauðs Heilsugæslu höfuðborgarsvæðisins, Álfabakka 16, 109 Reykjavík. HH áskilur sér rétt að óska eftir hreinu sakavottorði.

Tekið er mið af jafnréttis- og mannréttindastefnu Heilsugæslu höfuðborgarsvæðisins við ráðningu í starfið. Öllum umsóknum verður svarað þegar ákvörðun um ráðningu liggur fyrir. Umsókn getur gilt í 6 mánuði.