Teymisstjóri í sérhæfðu ráðgjafarteymi í bráða- og ráðgjafaþjónustu geðþjónustu

Geðþjónusta Landspítala leitar að metnaðarfullum og sjálfstæðum heilbrigðismenntuðum einstaklingi með góða samskiptafærni og áhuga á að taka þátt í uppbyggingu sérhæfðs teymis sem þjónustar heilbrigðisstofnanir utan höfuðborgarsvæðisins.

Viðkomandi mun hafa umsjón með starfsemi teymisins í nánu samstarfi við stjórnendur og stuðla að öflugu samstarfi við hagsmunaaðila verkefnisins.

Teymið er staðsett í bráða- og ráðgjafaþjónustu geðþjónustu. Þar starfar þverfaglegur hópur heilbrigðisstarfsfólks og er núverandi starfsemi fjórþætt:

Lögð er áhersla á öfluga þverfaglega teymisvinnu og stöðuga framþróun.

Um er að ræða faglega krefjandi starf á spennandi vettvangi fyrir heilbrigðisstarfsfólk sem hefur áhuga á nýsköpun og framþróun í starfi. Landspítalinn er þverfaglegur vinnustaður og býður upp á líflegt starfsumhverfi.

Teymisstjóri mun verða virkur þátttakandi í mótun framtíðarsýnar teymisins í samvinnu við stjórnendur. Unnið er að fjölbreyttum umbótaverkefnum og bjóðast margvísleg tækifæri til starfsþróunar.

Ráðið er í starfið frá 1. september 2026 eða eftir nánara samkomulagi.

• Byggja upp samstarf og veita ráðgjöf milli geðþjónustu Landspítala og geðheilbrigðisþjónustu utan höfuðborgarsvæðisins

• Utanumhald og yfirsýn yfir starfsemi og þjónustu ráðgjafateymisins

• Heimsóknir á heilbrigðisstofnanir utan höfuðborgarsvæðis

• Námskeiðahald, ráðgjöf og fræðsla

• Þátttaka og uppbygging á þverfaglegri teymisvinnu

• Uppbygging fjarheilbrigðisþjónustu

• Háskólamenntun á sviði heilbrígðisvísinda

• Íslenskt starfsleyfi heilbrigðisstarfmanns frá Embætti Landlæknis

• Framhaldsnám á sviði heilbrigðisvísinda er kostur

• Þekking og reynsla af geðgreiningum og meðferð við geðvanda

• Þekking og reynsla af því að meta þjónustuþarfir fólks með fjölþættan vanda

• Þekking og reynsla af að vinna með aðkallandi vanda t.d. mat og viðbrögð við sjálfsvígshættu

• Framúrskarandi samskiptafærni

• Hæfni til að vinna sjálfstætt og sýna frumkvæði

• Reynsla af þátttöku í þverfaglegri teymisvinnu heilbrigðisstétta æskileg

• Færni til að skipuleggja og forgangsraða verkefnum

• Góð íslenskukunnátta skilyrði

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, heilbrigðisvísindi,

Tungumálahæfni: íslenska 4/5

Staðsetning: Hringbraut, 101 Reykjavík