Starfsmaður á Bessastöðum - hlutastarf

Embætti forseta Íslands auglýsir laust til umsóknar starf starfsmanns á Bessastöðum.

Í starfinu felst aðstoð við staðarhaldara á Bessastöðum. Verkefni sem falla þar undir eru m.a. eldhússtörf, alhliða þrif- og heimilisstörf, móttaka gesta, undirbúningur fyrir viðburði, framreiðsla í veislum.

Starfið felur einnig í sér að sinna margvíslegum verkefnum tengdum fasteignum og landareign á Bessastöðum, jafnt utan- sem innandyra. Helstu verkefni tengd fasteignum felast í almennu eftirliti og daglegum verkefnum tengdum húsakosti, lóð og landareign á Bessastöðum.

Starfsmaðurinn getur þurft að leysa staðarhaldara af.

• Reynsla af framreiðslustörfum, eldhús- og öðrum heimilisstörfum áskilin

• Menntun á sviði framreiðslu æskileg

• Rík þjónustulund, frumkvæði og hæfni í mannlegum samskiptum

• Sjálfstæð og skipulögð vinnubrögð

• Gott vald á íslensku og ensku

• Bílpróf

• Snyrtimennska

• Dugnaður og stundvísi

• Sveigjanleiki í verkefnum og viðveru

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Um er að ræða 80% hlutastarf og getur vinnutími verið óreglulegur. Æskilegt er að viðkomandi geti hafið störf sem fyrst.

Forsetaritari er næsti yfirmaður starfsmannsins.

Ferilskrá, kynningarbréf og upplýsingar um umsagnaraðila skulu fylgja umsókn: Sótt er um starfið á starfatorg.is.

Nánari upplýsingar um embætti forseta Íslands má finna á vefsetri þess, forseti.is.