Doktorsnemi í jarðeðlisfræði

Laust er til umsóknar fullt starf doktorsnema í jarðeðlisfræði við Jarðvísindastofnun Háskóla Íslands. Verkefnið gengur út á rannsóknir á ferlum sem stýra landrisi og landsigi í eldstöðvarkerfi Krýsuvíkur og tengjast kvikuhreyfingum og breytingum í jarðhitakerfinu. Tilvonandi doktorsnemi mun rannsaka fjölbreytt jarðskorpuhreyfingaferli með mismunandi aðferðum, t.d. reiknilíkönum með bútaaðferð og bayesískri bestun, sem er oft notuð í vöktun eldstöðva.

Starfið er hluti af verkefni sem heitir TRACE: Sviðsmyndir eldfjallavár tengdar jarðskorpuhreyfingum við Krýsuvík, styrkt af Markáætlun Rannís um Náttúruvá. Markmiðið er að greina ástand Krýsuvíkurkerfisins út frá fyrri og núverandi jarðskorpuhreyfingum og herma sviðsmyndir af endurvirkjun misgengja í tengslum við hugsanleg innskot kvikuganga í sprungusveiminn. Tilvonandi doktorsnemi mun fá gott tækifæri til að vinna í grundrannsóknum með tengingu við náttúruvárvöktun og iðnað.

Verkefnisstjóri og aðalleiðbeinandi doktorsverkefnis er Dr. Sonja H. M. Greiner. Einnig verða í doktorsnefnd Dr. Samuel W. Scott (Háskóli Íslands), Dr. Michelle M. Parks (Veðurstofa Íslands) og Dr. Halldór Geirsson við Háskóla Íslands, sem verður einnig tengiliður við deild.

Doktorsneminn mun rannsaka jarðskorpuhreyfingar í eldstöðvakerfi Krýsuvíkur með landmælingagögnum og líkanagerð.

• Greiningu og túlkun landmælingagagna, svo sem GNSS og InSAR

• Bayesíska andhverfugreiningu á stikum aflögunarlíkana

• Bútalíkön af aflögun í kviku- og gangakerfum eldstöðvarinnar

• Bútalíkön af jarðhitakerfum

• Samanburður á aflögunaruppsprettum kviku og jarðhita og áhrif þeirra á hættumat

• Meistarapróf á sviði jarðeðlisfræði, jarðfræði, eðlisfræði, stærðfræði, tölvufræði eða á sambærilegu sviði. Meistaragráðu skal vera lokið þegar starf hefst.

• Góð greiningarhæfni, reynsla af bútaaðferð er kostur

• Reynsla af líkönum jarðskorpuhreyfinga eða jarðhitaferla (greinandi og/eða reiknilíkön) er kostur

• Grundvallarforritunargeta í t.d. Matlab, Python eða sambærilegu

• Gott vald á ensku, bæði í rituðu og töluðu máli

• Frumkvæði til að læra nýja aðferðir

• Sjálfstæð vinnubrögð og geta til að vinna í teymi

Ráðning er háð því að umsækjandi sæki formlega um doktorsnám við Jarðvísindadeild Háskóla Íslands og að umsóknin sé samþykkt af deild.

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Gert er ráð fyrir að starf hefjist í fyrsta lagi 1. september 2026, eða samkvæmt nánara samkomulagi.

Eftirfarandi gögn skulu fylgja umsókn:

• Ferilskrá

• Kynningarbréf þar sem fjallað er um hvernig umsækjandi uppfyllir þær hæfnikröfur sem settar eru fram í auglýsingunni og hvað hann telur sig geta lagt af mörkum til starfsins (hámark 2 bls)

• Afrit af prófskírteinum og námsyfirlit með einkunnum (BS og MS gráður, eða sambærilegt, eða staðfesting frá leiðbeinanda um áætlaðan lokadag meistaraprófs)

• Umsækjandi má senda inn ritgerðir (BS og MS) og vísindagreinar á PDF formi

• Upplýsingar um tvo umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknafrests.

Við ráðningu í störf í Háskóla Íslands er tekið mið af jafnréttisáætlun skólans. Vakin er athygli á málstefnu Háskóla Íslands.

Háskóli Íslands hefur frá stofnun verið undirstaða atvinnulífs og framfara í íslensku samfélagi. HÍ er jafnframt framsækinn rannsóknarháskóli og virkur þátttakandi í alþjóðlegu vísindasamstarfi.

Háskóli Íslands er stærsti háskóli landsins og býður upp á hátt í 400 námsleiðir á grunn-, meistara- og doktorsstigi. Um 14.000 nemendur stunda nám við skólann, þar af yfir 2.000 alþjóðlegir nemar.

Við Háskóla Íslands starfa yfir 1.800 manns. Skólinn leggur áherslu á að laða til sín fjölbreyttan hóp starfsfólks og stúdenta í alþjóðlegt fræðasamfélag þar sem akademískt frelsi, fagmennska, jafnrétti, fjölbreytileiki og inngilding eru í öndvegi.

Nánar um Háskóla Íslands, fræðasvið hans og deildir