Verkefnisstjóri fjármála

Laust er til umsóknar fullt starf verkefnisstjóra fjármála við Verkfræði- og náttúruvísindasvið Háskóla Íslands. Verkefnisstjórinn verður hluti af fjármálahópi sviðsins og mun heyra undir fjármálastjóra. Hlutverk fjármálahóps er að stuðla að hagkvæmum og góðum rekstri sviðsins og veita góða fjármálatengda þjónustu.

• Umsjón með kennsluuppgjörum

• Þátttaka í gerð kennsluáætlana fyrir deildir sviðsins

• Frágangur stundakennarasamninga

• Umsýsla með ferðaheimildir

• Umsýsla með innkaupabeiðnum og aðstoð við innkaup

• Aðstoð við fjármál rannsóknaverkefna

• Aðstoð við gagnaöflun og fjárhagsáætlun sviðsins

• Háskólapróf sem nýtist í starfi, t.d. á sviði viðskiptafræði, fjármála eða skyldra greina

• Góð tölvufærni

• Reynsla af fjárhagsupplýsingakerfum er æskileg

• Reynsla af opinberri stjórnsýslu og starfi í háskólaumhverfi er kostur

• Reynsla af verkefnastjórnun er kostur

• Góð íslensku- og enskukunnátta, bæði í töluðu og rituðu máli

• Þjónustulund og góð samskiptahæfni

• Sjálfstæði og frumkvæði í starfi

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Æskilegt er að viðkomandi geti hafið störf sem fyrst.

Eftirfarandi gögn skulu fylgja umsókn:

• Ferilskrá

• Kynningarbréf þar sem fjallað er um hvernig umsækjandi uppfyllir þær hæfnikröfur sem settar eru fram í auglýsingunni og hvað hann telur sig geta lagt af mörkum til starfsins

• Afrit af prófskírteinum

• Upplýsingar um umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknafrests.

Við ráðningu í störf í Háskóla Íslands er tekið mið af jafnréttisáætlun skólans. Vakin er athygli á málstefnu Háskóla Íslands.

Háskóli Íslands hefur frá stofnun verið undirstaða atvinnulífs og framfara í íslensku samfélagi. HÍ er jafnframt framsækinn rannsóknarháskóli og virkur þátttakandi í alþjóðlegu vísindasamstarfi.

Háskóli Íslands er stærsti háskóli landsins og býður upp á hátt í 400 námsleiðir á grunn-, meistara- og doktorsstigi. Um 14.000 nemendur stunda nám við skólann, þar af yfir 2.000 alþjóðlegir nemar.

Við Háskóla Íslands starfa yfir 1.800 manns. Skólinn leggur áherslu á að laða til sín fjölbreyttan hóp starfsfólks og stúdenta í alþjóðlegt fræðasamfélag þar sem akademískt frelsi, fagmennska, jafnrétti, fjölbreytileiki og inngilding eru í öndvegi. 36 stunda vinnuvika hefur verið innleidd í stjórnsýslustörfum skólans.

Nánar um Háskóla Íslands, fræðasvið hans og deildir