Nýdoktor við rannsókn á erfðaóstöðugleika og myndun krabbameina

Laust er til umsóknar fullt starf nýdoktors til rannsókna á hlutverki MITF í að viðhalda stöðugleika erfðaefnis, með áherslu á DNA-eftirmyndun og DNA-viðgerð. Verkefnið er styrkt til þriggja ára af Rannsóknasjóði Vísinda- og tækniráðs (Rannís) og verður unnið við Lífvísindasetur innan Læknadeildar Háskóla Íslands.

Verkefnið byggir á notkun fjölbreyttra nútímalegra aðferða, þar á meðal frumurækt krabbameinsfruma, erfðabreytingum með CRISPR-Cas9, mælingum á DNA-skemmdum og eftirmyndunarálagi (t.d. DNA fiber assays og 53BP1 foci), prótein- og DNA-bindingargreiningum (t.d. CUT&RUN), auk annarra sameindalíffræðilegra, lífefnafræðilegra og frumulíffræðilegra aðferða.

Stefán Sigurðsson, prófessor við Læknadeild Háskóla Íslands verður leiðbeinandi í verkefninu.

• Rannsaka hlutverk MITF í eftirmyndun DNA og viðgerð DNA-skemmda

• Greina hvernig MITF hefur áhrif á viðhalda stöðugleika erfðamengis

• Kanna áhrif MITF á eftirmyndunarálag og DNA-skemmdasvörun

• Rannsaka hlutverk mismunandi MITF-ísóforma á frumustarfsemi

• Birta og kynna rannsóknaniðurstöður á vísindaráðstefnum og í ritrýndum vísindagreinum

• Þátttaka í daglegum rekstri rannsóknaverkefnisins

• Doktorspróf í lífefnafræði, sameindalífvísindum eða skyldum greinum. Umsækjandi skal hafa lokið prófi þegar starf hefst.

• Reynsla af vísindastörfum á rannsóknastofu með lífefnafræði-, sameindalíffræði- og frumulíffræðilegum aðferðum.

• Reynsla af vinnu við frumuræktun spendýrafruma.

• Góð tölvufærni er æskileg.

• Góð íslensku- og enskukunnátta, bæði í töluðu og rituðu máli.

• Sjálfstæð vinnubrögð og góð samskiptafærni.

Umsækjandi skal hafa lokið doktorsprófi innan sjö ára þegar ráðning hefst. Þó er heimilt að taka tillit til reglna styrkveitenda, veikinda, fæðingarorlofs o.þ.h. við mat á heildartíma frá lokum doktorsgráðu sbr. verklagsreglur HÍ um starf nýdoktora.

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Áætlað er að viðkomandi hefji störf eigi síðar en í september 2026.

Eftirfarandi gögn skulu fylgja umsókn:

• Greinargerð, þar sem umsækjandi lýsir hvernig hann uppfyllir skilyrði starfsins, hvers vegna hann hefur áhuga á að vinna verkefnið og hugmyndum sínum um framlag til verkefnisins (hámark 2 blaðsíður).

• Ferilskrá.

• Staðfest afrit af prófskírteinum (grunn- og doktorsnám) og einkunnadreifing.

• Upplýsingar um tvo umsagnaraðila þar sem fram koma tengsl við umsækjanda, netfang og símanúmer.

• Yfirlit yfir birtingar.

• Umsækjendum er einnig boðið að senda PDF útgáfu af doktorsritgerð sinni (á hvaða tungumáli sem er), sem og aðrar birtingar sem við eiga (hámark 5 skjöl).

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknafrests.

Við ráðningu í störf í Háskóla Íslands er tekið mið af jafnréttisáætlun skólans. Vakin er athygli á málstefnu Háskóla Íslands.

Háskóli Íslands hefur frá stofnun verið undirstaða atvinnulífs og framfara í íslensku samfélagi. HÍ er jafnframt framsækinn rannsóknarháskóli og virkur þátttakandi í alþjóðlegu vísindasamstarfi.

Háskóli Íslands er stærsti háskóli landsins og býður upp á hátt í 400 námsleiðir á grunn-, meistara- og doktorsstigi. Um 14.000 nemendur stunda nám við skólann, þar af yfir 2.000 alþjóðlegir nemar.

Við Háskóla Íslands starfa yfir 1.800 manns. Skólinn leggur áherslu á að laða til sín fjölbreyttan hóp starfsfólks og stúdenta í alþjóðlegt fræðasamfélag þar sem akademískt frelsi, fagmennska, jafnrétti, fjölbreytileiki og inngilding eru í öndvegi. 36 stunda vinnuvika hefur verið innleidd í stjórnsýslustörfum skólans.

Nánar um Háskóla Íslands, fræðasvið hans og deildir