Sérfræðingur á Greiðslustofu atvinnuleysistrygginga á Skagaströnd

Vinnumálastofnun óskar eftir að ráða sérfræðing á Greiðslustofu atvinnuleysistrygginga á Skagaströnd.

Greiðslustofa atvinnuleysistrygginga annast afgreiðslu á umsóknum um atvinnuleysisbætur samkvæmt lögum um atvinnuleysistryggingar. Meðal verkefna skrifstofunnar er að taka ákvarðanir um réttindi einstaklinga til atvinnuleysisbóta, greiða bætur og annast eftirlit. Ásamt því að sjá um innheimtur á ofgreiddum atvinnuleysisbótum.

Sérfræðingur mun sinna úrvinnslu og afgreiðslu umsókna, eftirlit með greiðslum atvinnuleysisbóta, tekur þátt í þróun verkferla og öðrum verkefnum á verkefnasviði skrifstofunnar, eftir því sem við á. Starfið kallar á samskipti við önnur svið stofnunarinnar og sérfræðiaðstoð við þjónustuþega hennar.

Starfstöð sérfræðings er á Skagaströnd.

Leitað er eftir einstaklingi sem á auðvelt með að tileinka sér gildi Vinnumálastofnunnar: fyrirmyndarþjónusta, virðing og áreiðanleiki.

Viðkomandi þarf að vera tilbúinn að takast á við krefjandi verkefni og búa yfir ríkri samskipta- og skipulagshæfni. Æskilegt er að viðkomandi geti hafið störf sem fyrst.

· Upplýsingagjöf og úrlausn mála í tengslum við greiðslur, viðurlög og bótarétt.

· Afgreiðsla á málum er varða eftirlit með greiðslum atvinnuleysisbóta.

· Samskipti og sérfræðiaðstoð við önnur svið stofnunarinnar og þjónustuþega hennar.

· Margvísleg skrifstofustörf, símsvörun og önnur tilfallandi verkefni.

· Háskólamenntun sem nýtist í starfi.

· Góð íslensku- og enskukunnátta.

· Skipulögð og sjálfstæð vinnubrögð.

· Lipurð og færni í mannlegum samskiptum og teymisvinnu.

· Góð tölvukunnátta.

· Þekking og reynsla af skrifstofustörfum og opinberri stjórnsýslu telst kostur.

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Athygli er vakin á því að umsóknir geta gilt í 6 mánuði frá því að umsóknarfrestur rennur út. Öllum umsóknum verður svarað þegar ákvörðunin um ráðningu hefur verið tekin.

Með umsókn skal fylgja starfsferilskrá og kynningarbréf.