Sérhæfður starfsmaður í ræstingum

Við óskum eftir að ráða jákvæðan, áreiðanlegan og þjónustulipran einstakling með ríka samskipta- og samstarfshæfni til starfa á skurðstofur í Fossvogi. Starfið er fjölbreytt og felst m.a. í ræstingu á skurðstofum og vöknun, flutningum sjúklinga frá legudeildum í aðgerðir og umsjón með kaffistofu starfsfólks. Gerð er krafa um góða íslenskukunnáttu og er lágmarksaldur umsækjanda 18 ár. Unnið er á vöktum, alla virka daga, og bakvaktir um helgar. Starfið er laust frá 1. september 2026 eða eftir nánari samkomulagi. Starfshlutfall er 80-100%.

Á deildinni eru 8 skurðstofur sem þjóna 5 sérgreinum og árlega eru framkvæmdar þar um 6000 aðgerðir. Þar starfa um 90 einstaklingar; hjúkrunarfræðingar, sjúkraliðar, sótthreinsitæknar, skrifstofufólk og sérhæft starfsfólk við fjölbreytt og krefjandi verkefni, í nánu samstarfi við fagfólk í öðrum sérgreinum. Gagnreynd þekking, viðurkenndir verkferlar, öryggi sjúklinga og teymisvinna eru höfð í fyrirrúmi.

Í boði er einstaklingsaðlöguð þjálfun eftir þörfum hvers og eins á skemmtilegum vinnustað.

• Ræsting á skurðstofum og skurðstofugangi

• Flutningur sjúklinga frá legudeildum í aðgerðir á skurðstofum

• Þrif og umhirða á kaffistofu starfsfólks

• Frágangur og pantanir á líni, eldhúsvörum og öðrum aðföngum

• Sækja mat fyrir starfsfólk í matsal

• Önnur tilfallandi störf í samráði við deildarstjóra

• Rík þjónustulund og lipurð í samskiptum

• Vandvirkni skipulögð vinnubrögð

• Góð samskiptahæfni og jákvætt viðmót

• Reynsla af sambærilegu starfi er kostur

• Sjálfstæði í starfi

• Stundvísi og áreiðanleiki

• Hæfni til að vinna í teymi

• Góð íslenskukunnátta er áskilin

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Umsókn fylgi náms- og starfsferilskrá ásamt kynningarbréfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, sérhæfður starfsmaður, starfsmaður, ræstingar, þrif, þjónustustörf

Tungumálahæfni: íslenska 4/5

Staðsetning: Fossvogi, 108 Reykjavík