Hjúkrunardeildarstjóri/hótelstjóri sjúkrahótels við Hringbraut

Landspítali auglýsir laust til umsóknar starf hjúkrunardeildarstjóra/ hótelstjóra sjúkrahótels á lóð Landspítala við Hringbraut. Við leitum að kraftmiklum stjórnanda til að leiða og efla starfsemi sjúkrahótelsins og byggja upp sterka liðsheild. Starfið er unnið í nánu samstarfi við framkvæmdastjóra og annað samstarfsfólk.

Hjúkrunardeildarstjóri sem jafnframt er hótelstjóri stjórnar daglegum rekstri og er leiðandi um málefni hótelsins. Markmiðið er að stytta meðallegutíma á spítalanum, efla dag- og göngudeildarþjónustu og bæta skilvirkni. Notendur sjúkrahótels verða ekki innskrifaðir á legudeildir á sama tíma og þeir dvelja á sjúkrahóteli, þeir þurfa að vera sjálfbjarga en gætu þurft eftirlit og aðstoð hjúkrunarfræðings/sjúkraliða eða sértæka þjónustu á dag- og göngudeildum.

Sjúkrahótelið er 75 herbergja og þar geta einnig dvalið aðstandendur sjúklinga, foreldrar sem bíða fæðingar eða fólk sem býr fjarri sérhæfðri heilbrigðisþjónustu.

Hjúkrunardeildarstjóri er leiðtogi og hefur þríþætta ábyrgð sem stjórnandi, þ.e.a.s. faglega ábyrgð, starfsmannaábyrgð og fjárhagslega ábyrgð. Starfshlutfall er 100% og veitist starfið frá 1. september 2026 eða eftir nánara samkomulagi. Næsti yfirmaður er framkvæmdastjóri hjúkrunar.

• Fagleg ábyrgð á uppbyggingu, skipulagi og þróun starfseminnar, setur markmið um gæði og öryggi og tryggir eftirfylgni

• Starfsmannaábyrgð, þ.e. ábyrgð á uppbyggingu mannauðs og daglegri stjórnun starfsmanna Sjúkrahótelsins

• Fjárhagsleg ábyrgð, þ.e. ábyrgð á rekstrarkostnaði sjúkrahótelsins

• Íslenskt hjúkrunarleyfi

• Starfsreynsla sem hjúkrunarfræðingur

• Framhaldsmenntun í hjúkrun og/ eða önnur framhaldsmenntun á háskólastigi sem nýtist í starfi er kostur

• Þekking og reynsla af öryggis-, gæða- og umbótastarfi nauðsynleg

• Reynsla í stjórnunarhlutverki, þ.e. faglegri ábyrgð, starfsmannaábyrgð og fjárhagslegri ábyrgð er nauðsynleg

• Reynsla af rekstri sjúkrahótels er æskileg

• Jákvætt lífsviðhorf, lausnamiðuð nálgun og framúrskarandi leiðtoga- og samskiptahæfileikar

• Frumkvæði, drifkraftur og stefnumótandi hugsun

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Allar umsóknir þurfa að fara rafrænt í gegnum ráðningarkerfi ríkisins. Fylgiskjöl skulu vera á pdf formi.

Í umsóknarformið skal skrá inn upplýsingar um:

• Fyrri störf, menntun og hæfni

• Félagsstörf og umsagnaraðila

Nauðsynleg fylgiskjöl:

• Vottað afrit af prófskírteinum og starfsleyfi

• Ferilskrá ásamt kynningarbréfi með rökstuðningi fyrir hæfni og sýn á starfið

Ákvörðun um ráðningu í starfið byggist á innsendum gögnum og viðtölum. Öllum umsóknum verður svarað. Tekið er mið af jafnréttisstefnu Landspítala við ráðningar á spítalanum.

Landspítali er lifandi og fjölbreyttur vinnustaður þar sem um 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, hjúkrunarfræðingur, hjúkrun, deildarstjóri, stjórnunarstarf