Lögfræðingur Náttúruverndarstofnunar - tímabundin afleysing til eins árs

Náttúruverndarstofnun auglýsir laust til umsóknar vegna afleysingar tímabundið starf lögfræðings til eins árs. Leitað er að metnaðarfullum og lausnamiðuðum einstaklingi með áhuga á náttúruvernd, stjórnsýslu og umhverfismálum. Náttúruverndarstofnun er með 15 starfsstöðvar víðs vegar um landið og eru höfuðstöðvar stofnunarinnar á Hvolsvelli. Starfsmaður getur valið sér starfsstöð úr þeim hópi.

Starfið felur í sér fjölbreytt lögfræðileg verkefni á starfssviði stofnunarinnar einkum vinnu við stjórnsýslumál á sviði náttúruverndar, veiðistjórnunar, samninga um atvinnustarfsemi innan þjóðgarða, ráðgjöf við stjórnendur og starfsfólk, umsagnir, leyfismál og úrlausn annarra lögfræðilegra álitaefna.

Lögfræðingurinn mun vinna náið með sérfræðingum stofnunarinnar og taka þátt í samstarfi við ráðuneyti, aðrar stofnanir, sveitarfélög, hagsmunaaðila og almenning. Um er að ræða spennandi tækifæri fyrir lögfræðing sem vill leggja sitt af mörkum til verndar íslenskrar náttúru og taka þátt í fjölbreyttum verkefnum á sviði opinberrar stjórnsýslu.

• Vinna við stjórnsýslumál, ákvarðanir og málsmeðferð

• Rýni og undirbúningur leyfa, umsagna og annarra stjórnsýslugagna

• Umsagnir um þingmál, reglugerðir og mál til ráðuneyta

• Umsagnir og gagnaöflun vegna stjórnsýslukæra

• Lögfræðileg ráðgjöf til stjórnenda og starfsfólks stofnunarinnar

• Meðferð beiðna um aðgang að upplýsingum samkvæmt stjórnsýslulögum og upplýsingalögum

• Þátttaka í gerð verklags, umbótaverkefnum og samræmingu málsmeðferðar

• Greining á lögum, reglugerðum og eftir atvikum EES reglugerðum sem varða starfssvið stofnunarinnar

• Samskipti við ráðuneyti, stofnanir, sveitarfélög, hagsmunaaðila og almenning

• Embættis- eða meistarapróf í lögfræði

• Þekking og/eða reynsla af opinberri stjórnsýslu er kostur

• Þekking á umhverfisrétti, náttúruvernd, stjórnsýslurétti eða sambærilegum málaflokkum er kostur

• Reynsla af lögfræðilegri ráðgjöf, málsmeðferð eða gerð stjórnsýsluákvarðana er kostur

• Mjög gott vald á íslensku og ensku, bæði í ræðu og riti

• Góð samskipta- og samstarfshæfni

• Skipulögð, vönduð og sjálfstæð vinnubrögð

• Frumkvæði, sveigjanleiki og lausnamiðuð nálgun

• Stafræn hæfni og vilji til að taka þátt í þróun og umbótum í starfi

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Um er að ræða tímabundna afleysingu til eins árs. Starfshlutfall er 100%.

Laun samkvæmt gildandi kjarasamningi sem fjármála- og efnahagsráðherra viðkomandi stéttarfélaga hafa gert.

Vinsamlegast látið ferilskrá og kynningarbréf fylgja umsókninni þar sem færð eru rök fyrir hæfni í starfið. Við hvetjum áhugasöm til að sækja um óháð kyni og uppruna.Öllum umsóknum verður svarað þegar ákvörðun um ráðningu hefur verið tekin.

Nánari upplýsingar veita Hákon Ásgeirsson sviðsstjóri Stjórnunar- og verndarsvið, hakon.asgeirsson@nattura.is og Margrét Jóna Ísólfsdóttir mannauðsstjóri, margret.jona.isolfsdottir@nattura.is

Umsóknarfrestur er til og með 27. júlí 2026.

Um Náttúruverndarstofnun

Stofnunin hefur víðtækt hlutverk í náttúruvernd, sjálfbærri þróun og vernd friðlýstra svæða ásamt umsjón með villtum dýrum og veiðistjórnun. Markmið hennar er að tryggja að náttúra Íslands njóti verndar til framtíðar. Hjá Náttúruverndarstofnun starfar samheldinn hópur starfsmanna með fjölbreytta reynslu, sem sinnir margvíslegum verkefnum tengdum náttúruvernd og þjónustu við gesti þjóðgarða og annarra friðlýstra svæða. Starfsstöðvar stofnunarinnar eru 15 um allt land.