Þróunar- og verkefnisstjóri við Jafnréttisskóla GRÓ

Laust er til umsóknar, tímabundið til eins árs,fullt starf þróunar- og verkefnisstjóra Jafnréttisskóla GRÓ við Háskóla Íslands (GRÓ GEST).

Jafnréttisskólinn er alþjóðlegt þverfaglegt náms- og þjálfunarverkefni á Hugvísindasviði Háskóla Íslands og er hluti af starfsemi GRÓ Þekkingarmiðstöðvar þróunarsamvinnu. Markmið skólans er að efla þekkingu, faglega getu og leiðtogahæfni á sviði jafnréttis í alþjóðlegu samstarfi.

• Verkefnisstýring og kortlagning samstarfsaðila og áframhaldandi þróun alþjóðlegs samstarfsnets Jafnréttisskóla GRÓ.

• Uppbygging og þróun verkefna með fyrrverandi nemendum skólans (alumni-starfsemi) og alþjóðlegu tengslaneti nemenda.

• Þátttaka í þróun nýrra samstarfsverkefna við innlenda og erlenda háskóla, alþjóðastofnanir og aðra samstarfsaðila.

• Vinna við þróunarverkefni, fjármögnunaráætlanir og umsóknir í innlenda og alþjóðlega samkeppnissjóði.

• Stuðningur við verkefnisstjórn og þátttaka í þróun námskeiða, þjálfunarverkefna og annarrar fræðslustarfsemi á vettvangi og á netinu.

• Kynningar- og upplýsingastarf, þar á meðal þróun kynningarefnis og markviss miðlun upplýsinga um starfsemi skólans á samfélagsmiðlum og öðrum starfrænum miðlum.

• Meistarapróf sem nýtist í starfi, svo sem hugvísindum, félagsvísindum eða öðrum viðeigandi fræðasviðum. Doktorspróf er kostur.

• Reynsla af jafnréttis-, alþjóða- og/eða þróunarmálum.

• Reynsla af samskiptum við alþjóðastofnanir, háskólasamtök eða félagssamtök er kostur.

• Reynsla af þróun samstarfsverkefna við alþjóðastofnanir, háskólasamtök eða félagssamtök er kostur.

• Reynsla af alþjóðlegu og/eða akademísku starfsumhverfi er kostur.

• Reynsla af þróun samstarfsverkefna, styrkjaöflun, gerð styrkumsókna og/eða fjármögnunaráætlana er kostur.

• Góð færni í Excel er kostur.

• Góð enskukunnátta í ræðu og riti.

• Reynsla af notkun samfélagsmiðla og stafrænnar miðlunar.

• Skipulögð og lausnamiðuð vinnubrögð.

• Frumkvæði, sjálfstæði í starfi og góð hæfni í mannlegum samskiptum.

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Æskilegt er að viðkomandi geti hafið störf sem fyrst.

Eftirfarandi gögn skulu fylgja umsókn:

• Ferilskrá

• Kynningarbréf þar sem fjallað er um hvernig umsækjandi uppfyllir þær hæfnikröfur sem settar eru fram í auglýsingunni og hvað hann telur sig geta lagt af mörkum til starfsins

• Afrit af prófskírteinum

• Upplýsingar um umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknafrests.

Við ráðningu í störf í Háskóla Íslands er tekið mið af jafnréttisáætlun skólans. Vakin er athygli á málstefnu Háskóla Íslands.

Háskóli Íslands hefur frá stofnun verið undirstaða atvinnulífs og framfara í íslensku samfélagi. HÍ er jafnframt framsækinn rannsóknarháskóli og virkur þátttakandi í alþjóðlegu vísindasamstarfi.

Háskóli Íslands er stærsti háskóli landsins og býður upp á hátt í 400 námsleiðir á grunn-, meistara- og doktorsstigi. Um 14.000 nemendur stunda nám við skólann, þar af yfir 2.000 alþjóðlegir nemar.

Við Háskóla Íslands starfa yfir 1.800 manns. Skólinn leggur áherslu á að laða til sín fjölbreyttan hóp starfsfólks og stúdenta í alþjóðlegt fræðasamfélag þar sem akademískt frelsi, fagmennska, jafnrétti, fjölbreytileiki og inngilding eru í öndvegi. 36 stunda vinnuvika hefur verið innleidd í stjórnsýslustörfum skólans.

Nánar um Háskóla Íslands, fræðasvið hans og deildir