Mannauðssérfræðingur á svið mannauðs og menningar

Umhverfis- og orkustofnun leitar að metnaðarfullum og öflugum einstaklingi í starf sérfræðings á svið mannauðs og menningar. Verkefni sérfræðingsins verða fjölbreytt og krefjandi en meðal annars er sameining heilbrigðiseftirlita sveitarfélaganna við stofnunina fram undan. Umhverfis- og orkustofnun varð til við sameiningu tveggja stofnana fyrir einu og hálfu ári og er því menningarbragurinn okkar ungur en byggir á öflugum grunni. Við leitum að sérfræðingi með reynslu sem hefur brennandi áhuga á umbótum og breytingastjórnun en viðkomandi mun taka virkan þátt í þeim breytingum sem fylgja sameiningunni og umbótaverkefnum stofnunarinnar. Jafnframt mun viðkomandi sinna greiningum og gagnavinnu og framsetningu og túlkun gagna. Einnig verður þjálfun og fræðsla stórt viðfangsefni sviðsins samhliða ferlavinnu og gæðastarfi stofnunarinnar.

Markmið sviðs mannauðs og menningar er að skapa starfsumhverfi þar sem öflugur mannauður, heilbrigð vinnustaðamenning og markviss gæða- og umbótastarfsemi styðja við árangur, starfsgleði og stöðuga þróun.

• Mönnun og móttaka nýs starfsfólks

• Fræðslumál og starfsþróun

• Starfsaðstöðumál

• Aðstoð við launa- og kjaramál

• Greining mannauðsgagna og utan umhald þeirra

• Viðverukerfi og verkbókhald

• Umbætur og breytingastjórnun

• Mannauðsferlar og stafrænar lausnir

• Þjónusta og ráðgjöf við starfsfólk og stjórnendur

• Menntun á sviði mannauðsmála eða önnur menntun sem nýtist í starfi

• Reynsla af að starfa við mannauðsmál

• Reynsla af að starfa í teymi er kostur

• Stafræn hæfni og greiningarhæfni er mikill kostur

• Gott vald á íslensku og ensku bæði í ræðu og riti

• Góð samstarfshæfni, sveigjanleiki í samskiptum og þjónustumiðuð framkoma

• Skipulögð og sjálfstæð vinnubrögð

• Þekking á opinberri stjórnsýslu er kostur

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Spennandi verkefni og gott vinnuumhverfi

Umhverfis- og orkustofnun fer með stjórnsýslu og eftirlit á sviði loftslags-, umhverfis- og orkumála og málefni auðlindanýtingar. Verkefni stofnunarinnar eru fjölbreytt og starfsumhverfið er metnaðarfullt. Við viljum laða að öflugt fagfólk sem leggur áherslu á stöðugar umbætur, stafræna þróun og miðlun. Umhverfis- og orkustofnun leggur áherslu á heilsu, öryggi og vellíðan og góð skilyrði fyrir starfsfólk til að þróast og eflast í starfi. Starfsaðstaða er víða í verkefnamiðuðu vinnuumhverfi og við viljum hlýlegt andrúmsloft fyrir allt starfsfólk. Við erum með 36 stunda vinnuviku og sveigjanlegan vinnutíma. Sjá nánari upplýsingar um Umhverfis- og orkustofnun á uos.is.

Starfsstöðvar kringum landiðStarfsstöðvar Umhverfis- og orkustofnunar eru á Akureyri, Egilsstöðum, Selfossi og í Reykjavík. Um næstu áramót verða til starfsstöðvar á fleiri stöðum á landinu vegna sameiningar heilbrigðiseftirlita við stofnunina. Starfsfólk okkar getur valið starfsstöð. Gott vinnuumhverfi er okkar markmið, á öllum starfsstöðvum.

Næsti yfirmaður sérfræðingsins er Þóra Margrét Pálsdóttir Briem sviðsstjóri sem veitir einnig nánari upplýsingar um starfið í síma 569 6000.

Umsókn þarf að fylgja ferilskrá og kynningarbréf á íslensku, þar sem gerð er grein fyrir ástæðu umsóknar og hæfni umsækjanda í starfið.

TIL AÐ SÆKJA UM SMELLIÐ HÉR

ATH! Einungis er tekið við umsóknum á 50skills en ekki í gegnum Starfatorg.

Gagnkvæmur reynslutími er sex mánuðir við ráðningu. Æskilegt er að sérfræðingurinn geti hafið störf sem fyrst. Umsóknir geta gilt í 6 mánuði frá því að umsóknarfrestur rennur út.

Við hvetjum áhugasöm til að sækja um, óháð kyni og uppruna.