Ráðgjafar/ stuðningsfulltrúar á öryggis- og réttargeðdeildir Kleppi

Við viljum ráða öfluga liðsmenn til starfa á öryggis- og réttargeðdeildir Landspítala. Starfshlutfall er 80-100% eða eftir samkomulagi, unnið er í vaktavinnu og eru störfin laus frá 1. september 2026 eða eftir samkomulagi.

Öryggisgeðdeildin er átta rúma og sinnir sérhæfðri meðferð og endurhæfingu sjúklinga með alvarlegar geðraskanir.

Réttargeðdeildin er einnig átta rúma deild sem veitir sérhæfða meðferð og umönnun einstaklinga sem hafa verið dæmdir ósakhæfir samkvæmt 15.gr hegningarlaga.

Meðferðarnálgun deildanna er fjölþætt og ræðst af þörfum og getu hvers og eins sjúklings. Meginmarkmið meðferðarinnar er að sjúklingar fái þá meðferð og endurhæfingu sem er nauðsynleg til þess að þeir geti komist aftur út í samfélagið.

Áhersla er lögð á fagmennsku, þróun, öryggi og umhyggju.

Vinnuvika starfsfólks í fullu starfi er 36 stundir en getur orðið minni eftir samsetningu vakta. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.

• Stuðlar að öryggi sjúklinga og starfsfólks með því að framfylgja verklagi og vera virkur þátttakandi í varnarteymi geðþjónustu

• Virk þátttaka í hjúkrun og meðferð inniliggjandi sjúklinga

• Styður sjúkling til daglegrar virkni, framfylgir meðferðasamningum og hjúkrunaráætlunum

• Þátttaka í þverfaglegu samstarfi

• Hefur umsjón með ýmsum störfum sem snúa að daglegum rekstri deildar

• Þátttaka í umbótastarfi og þróun þjónustunnar

• Stuðlar að góðum starfsanda

• Góð samstarfshæfni og framúrskarandi færni í samskiptum

• Jákvætt hugarfar, metnaður og áhugi á að starfa í þverfaglegu teymi

• Áhugi á starfi með fólki með alvarleg geðræn einkenni

• Viðbótarmenntun sem nýtist í starfi er kostur

• Reynsla af starfi í geðþjónustu er kostur

• Góð almenn tölvukunnátta

• Íslenskukunnátta, bæði í mæltu og rituðu máli

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Umsókn fylgi náms- og starfsferilskrá ásamt kynningarbréfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, ráðgjafi/ stuðningsfulltrúi, starfsmaður, almenn störf, nemi

Tungumálahæfni: íslenska 4/5

Staðsetning: Kleppsgarðar, 104 Reykjavík