Hjúkrunarfræðingur á slysa- og göngudeild HVE Akranesi, vaktavinna

Heilbrigðisstofnun Vesturlands óskar eftir að ráða hjúkrunarfræðing á slysa- og göngudeildina á Akranesi í vaktavinnu

Um er að ræða 80-100% stöðu. Unnið er á morgun og kvöldvöktum. Ákjósanlegt að viðkomandi geti hafið störf 1. september 2026 eða eftir samkomulagi.

Boðið er upp á aðlögun með reyndu og frábæru starfsfólki. Við tökum vel á móti nýjum starfsmönnum.

Á HVE slysa- og göngudeild er góður starfsandi ríkjandi sem einkennist af vinnugleði og metnaði. Markvisst er unnið að umbótum og framþróun.

Starfið felur í sér fjölbreytt verkefni t.d. móttaka slasaðra og bráðveikra, lyfjagjafir o.fl.

Ber ábyrgð á að skipuleggja og framkvæma hjúkrun skjólstæðinga á faglegum forsendum, í samræmi við lög um heilbrigðisþjónustu og stefnu HVE. Vinnur undir stjórn deildarstjóra og ber faglega, siðferðislega og lagalega ábyrgð á störfum sínum skv. Siðareglum hjúkrunarfræðinga. Ber ábyrgð á að framfylgja reglum um hreinlæti og smitgát á stofnuninni. Sýnir faglegan metnað og færni og leitast við að viðhalda þekkingu sinni og stuðlar að framþróun í hjúkrun. Þekkir og vinnur eftir Lögum um heilbrigðisstarfsmenn 34/2012.

Mikið er lagt upp úr góðri samvinnu allra starfshópa þar sem fagmennska, umhyggja og virðing fyrir skjólstæðingum og fjölskyldum þeirra er höfð að leiðarljósi.

• Hjúkrunarnám frá viðurkenndri menntastofnun.

• Starfsleyfi landlæknis.

• Reynsla af bráðahjúkrun og/eða reynsla af lyfjagjöfum krabbameinssjúklinga er kostur.

• Góð hæfni í mannlegum samskiptum.

• Frumkvæði, umbótahugsun, áreiðanleiki og jákvætt viðhorf.

• Góð íslenskukunnátta

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Sótt er um starfið rafrænt á starfatorg.is

Umsókninni þurfa að fylgja staðfestar upplýsingar um menntun, starfsleyfi og fyrri störf.

Staðfesting á bólusetningum.