Við leitum að starfsfólki í ræstingateymi hjá skrifstofu Alþingis

Skrifstofa Alþingis leitar að tveimur drífandi og jákvæðum liðsfélögum til starfa í ræstingateymi skrifstofunnar. Um er ræða eitt framtíðarstarf og eitt tímabundið starf. Vinnutíminn er frá kl. 7-15 alla virka daga auk tilfallandi yfirvinnu. Starfsfólk teymisins annast þrif í öllu húsnæði Alþingis. Við leitum að einstaklingum sem vilja taka þátt í að byggja upp góðan vinnustað þar sem metnaður er lagður í að skapa góðar vinnuaðstæður og hvetjandi umhverfi fyrir starfsfólk.

• Þrif á skrifstofu- og þjónustuhúsnæði á starfssvæði Alþingis

• Önnur verkefni í öryggis- og þjónustudeild

• Reynsla af sambærilegu starfi er nauðsynleg

• Reynsla af vinnu í teymi er kostur

• Góð samskiptafærni og sjálfstæði í vinnubrögðum

• Metnaður og ábyrgð í starfi

• Vandvirkni og snyrtimennska

• Góð íslensku- og/eða enskukunnátta

Laun samkvæmt gildandi kjarasamningi sem fjármála- og efnahagsráðherra og Efling stéttarfélag hafa gert.

Umsækjendur eru beðnir um að sækja um starfið í ráðningarkerfi Orra. Umsókn skal fylgja ferilskrá og kynningarbréf þar sem umsækjandi rökstyður hæfni sína í starfið. Umsóknir gilda í sex mánuði frá því að umsóknarfrestur rennur út. Öllum umsóknum verður svarað þegar ákvörðun um ráðningu liggur fyrir.

Tekið er mið af jafnréttisáætlun skrifstofu Alþingis við ráðningar. Starfið hentar öllum kynjum og áhugasöm eru hvött til að sækja um. Gildi skrifstofu Alþingis eru fagmennska, virðing og framsækni.