Aðjúnkt við Lagadeild

Háskólinn á Akureyri auglýsir lausa 100% stöðu aðjúnkts I við Lagadeild Hug- og félagsvísindasviðs. Ráðningin er tímabundin til eins árs með möguleika á framlengingu um eitt ár. Miðað er við að viðkomandi geti hafið störf 1. ágúst 2026, eða samkvæmt samkomulagi. Næsti yfirmaður er forseti Lagadeildar. Starfsstöðin er á Akureyri.

Kennsla, rannsóknir og stjórnsýslustörf í lagadeild á BA stigi og ML stigi, einkum í samingarétti, eignarétti, vinnurétti, fullnusturéttarfari og siðfræði. Önnur verkefni felast m.a. í aðkomu að kynningamálum Lagadeildar og móttöku og umsjón nýnema auk daglegra starfa innan Lagadeildar.

Umsækjendur þurfa að geta tekið virkan þátt í framkvæmd og þróun sveigjanlegs náms og almennri uppbyggingu náms við deildina. Sérstaða laganáms við Háskólann á Akureyri felst í framsýnu, sveigjanlegu námi þar sem ekki er gerður greinarmunur á staðnámi og fjarnámi.

Menntunarkröfur:

Embættis- eða meistarapróf í lögfræði.

Hæfniskröfur:

• Reynsla af háskólakennslu er skilyrði og æskilegt að viðkomandi hafi reynslu af kennslu í sveigjanlegu háskólanámi.

• Haldbær starfsreynsla tengd lögfræðistörfum, einkum á sviði fjármunaréttar og fullnusturéttarfars

• Þekking á kennslukerfi háskólanna, Uglu og Canvas.

• Fullt vald á íslensku og færni í að tjá sig í ræðu og riti er skilyrði.

• Gott vald á ensku og a.m.k. einu Norðurlandamáli, sem og færni í að tjá sig í ræðu og riti, er skilyrði.

• Sjálfstæð og öguð vinnubrögð.

• Færni og lipurð í mannlegum samskiptum ásamt góðri færni í að miðla eigin þekkingu.

• Frumkvæði, sveigjanleiki og skipulagshæfni.

• Geta til að vinna undir álagi.

• Æskilegt er að viðkomandi hafi þekkingu á sérstöðu laganáms við HA og kostur að hafa reynslu af kennslu við lagadeild.

Umsókn skal fylgja:

• Greinargott yfirlit yfir náms- og starfsferil og kennslureynslu.

• Yfirlit yfir væntanlegar rannsóknir á sviðum sem tengjast viðkomandi námskeiðum.

• Staðfest afrit af prófskírteinum.

• Kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið.

• Tilnefna skal a.m.k. tvo umsagnaraðila og er æskilegt að einn þeirra sé næsti yfirmaður í núverandi eða fyrra starfi umsækjanda sem háskólakennari.

Við mat á umsóknum er tekið mið af hversu vel viðkomandi uppfyllir þarfir Lagadeildar Háskólans á Akureyri.

Laun samkvæmt gildandi kjarasamningi sem fjármála- og efnahagsráðherra og Félag háskólakennara á Akureyri hafa gert.

Ófullnægjandi umsóknir eru ekki teknar til greina. Öllum umsóknum verður svarað þegar ákvörðun um ráðningu í starfið hefur verið tekin. Háskólinn á Akureyri áskilur sér rétt til að hafna öllum umsóknum.

Háskólinn á Akureyri stuðlar að jafnrétti kynjanna og hvetur konur jafnt sem karla til að sækja um laus störf.