Forstöðumaður Stofnunar rannsóknasetra Háskóla Íslands

Laust er til umsóknar fullt starf forstöðumanns Stofnunar rannsóknasetra Háskóla Íslands.

Forstöðumaður Stofnunar rannsóknasetra leiðir starfsemi stofnunarinnar sem þverfræðilegrar rannsóknastofnunar innan Háskóla Íslands á Hólum. Hann er næsti yfirmaður forstöðumanna einstakra rannsóknasetra og annars starfsfólks stofnunarinnar. Undir stofnunina heyra 13 rannsóknasetur víðs vegar um landið.

Markmið stofnunarinnar er að efla rannsóknir, samstarf og samfélagsvirkni rannsóknasetra Háskóla Íslands um land allt, tryggja faglegt sjálfstæði þeirra og skapa sameiginlega umgjörð um þróun, rekstur, stefnumótun og sýnileika starfseminnar.

Starfsstöð forstöðumannsins verður við Háskóla Íslands á Hólum en hann mun jafnframt hafa aðgang að vinnuaðstöðu í Háskóla Íslands í Reykjavík í tengslum við vinnuferðir þangað.

• Leiða og samhæfa heildarstarfsemi stofnunarinnar, m.a. rekstur, stjórnun og mannauðsmál

• Stýra undirbúningi, framkvæmd og eftirfylgni stefnumótunar

• Hafa yfirumsjón með fjármálum stofnunarinnar og gerð fjárhags- og rekstraráætlana

• Styðja og efla samstarf setranna sín á milli sem og við samstarfsaðila

• Meistarapróf sem nýtist í starfi, doktorspróf er kostur

• Leiðtogahæfni og lipurð í mannlegum samskiptum

• Reynsla af stjórnun og mannaforráðum

• Reynsla af rekstri og fjárhagsáætlanagerð er æskileg

• Reynsla af stefnumótun er æskileg

• Reynsla af háskólastarfi og/eða rannsóknum er æskileg

• Frumkvæði og sjálfstæði í vinnubrögðum

• Gott vald á íslensku og ensku í töluðu og rituðu máli

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Æskilegt er að viðkomandi geti hafið störf sem fyrst.

Eftirfarandi gögn skulu fylgja umsókn:

• Ferilskrá

• Kynningarbréf þar sem fjallað er um hvernig umsækjandi uppfyllir þær hæfnikröfur sem settar eru fram í auglýsingunni og hvað hann telur sig geta lagt af mörkum til starfsins

• Afrit af prófskírteinum

• Upplýsingar um umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknafrests.

Við ráðningu í störf í Háskóla Íslands er tekið mið af jafnréttisáætlun skólans. Vakin er athygli á málstefnu Háskóla Íslands.

Háskóli Íslands hefur frá stofnun verið undirstaða atvinnulífs og framfara í íslensku samfélagi. HÍ er jafnframt framsækinn rannsóknarháskóli og virkur þátttakandi í alþjóðlegu vísindasamstarfi.

Háskóli Íslands er stærsti háskóli landsins og býður upp á hátt í 400 námsleiðir á grunn-, meistara- og doktorsstigi. Um 14.000 nemendur stunda nám við skólann, þar af yfir 2.000 alþjóðlegir nemar.

Við Háskóla Íslands starfa yfir 1.800 manns. Skólinn leggur áherslu á að laða til sín fjölbreyttan hóp starfsfólks og stúdenta í alþjóðlegt fræðasamfélag þar sem akademískt frelsi, fagmennska, jafnrétti, fjölbreytileiki og inngilding eru í öndvegi. 36 stunda vinnuvika hefur verið innleidd í stjórnsýslustörfum skólans.

Nánar um Háskóla Íslands, fræðasvið hans og deildir