Táknmálstúlkur - tímabundin ráðning

Samskiptamiðstöð heyrnarlausra og heyrnarskertra auglýsir lausa til umsóknar stöðu táknmálstúlks. Um er að ræða tímabundna ráðningu í allt að 12 mánuði.

Störf táknmálstúlka heyra undir túlkunarsvið stofnunarinnar. Verkefni táknmálstúlka tengjast vinnu við íslenskt táknmál, einna helst táknmálstúlkun og þýðingum. Auk þess taka þeir þátt í ýmsum verkefnum á starfssviði stofnunarinnar sem þeim eru falin.

• Háskólamenntun í táknmálsfræði og táknmálstúlkun.

• Gott vald á íslensku táknmáli.

• Gott vald á íslensku í ræðu og riti.

• Gott vald á ensku æskilegt.

• Bílpróf æskilegt.

• Reynsla af táknmálstúlkun kostur.

• Frumkvæði og geta til að starfa bæði sjálfstætt og í teymisvinnu.

• Góð samskiptafærni, þjónustulund, stundvísi og skipulagshæfileikar.

Samskiptamiðstöð heyrnarlausra og heyrnarskertra er málstöð íslensks táknmáls og starfar fyrir táknmálssamfélagið á Íslandi. Við viljum ráða fagfólk sem hefur einlægan áhuga á íslensku táknmáli og metnað fyrir táknmálstúlkun. Við leggjum ríka áherslu á jákvæð samskipti og góða samvinnu sem er undirstaða góðrar þjónustu. Við teljum eftirsóknarvert að fá til liðs við okkur fólk sem vill starfa í anda gilda okkar; frumkvæði, samvinna og virðing.

Laun samkvæmt gildandi kjarasamningi sem fjármála- og efnahagsráðherra og Viska - stéttarfélag hafa gert.

Umsóknum skulu fylgja prófskírteini, ítarleg náms- og starfsferilskrá, upplýsingar um mögulega umsagnaraðila auk kynningarbréfs. Í kynningarbréfi skal gerð grein fyrir ástæðu umsóknar og hvernig umsækjandi uppfyllir hæfniskröfur starfsins.

Við ráðningu er jafnréttisáætlun stofnunarinnar fylgt. Athygli er vakin á því að umsóknir geta gilt í 6 mánuði frá því að umsóknarfrestur rennur út. Öllum umsóknum verður svarað þegar ákvörðun um ráðningu hefur verið tekin.

Öll starfsviðtöl fara fram bæði á íslensku og íslensku táknmáli og umsækjendur þurfa að vera reiðubúnir að gangast undir færnimat í íslensku táknmáli og túlkun.

Starfið er staðbundið og gert er ráð fyrir að það sé unnið að mestu á starfsstöð stofnunarinnar og á vettvangi túlkunar á höfuðborgarsvæðinu og í nærliggjandi sveitarfélögum.

Samskiptamiðstöð er heilsueflandi vinnustaður sem leggur áherslu á að efla mannauð og stuðla að góðri heilsu og líðan starfsmanna.

Á heimasíðu stofnunarinnar www.shh.is má finna upplýsingar um stofnunina og starfsemi hennar.

Auglýst er eftir táknmálstúlki í fullt starf í dagvinnu (100% starfshlutfall) auk möguleika á eftirspurnartengdri yfirvinnu á kvöldin og um helgar. Hlutastarf er þó einnig möguleiki.

Æskilegt er að umsækjendur geti a.m.k. unnið á tímabilinu 1. október 2026 til 10. júní 2027 en upphafs- og lokatími tímabundinnar ráðningar er sveigjanlegur.

- - - - -