Forstöðumaður og rannsóknalektor við Rannsóknasetur Háskóla Íslands á Eskifirði

Laust er til umsóknar fullt starf forstöðumanns, sem jafnframt er rannsóknalektor, við nýtt Rannsóknasetur Háskóla Íslands á Eskifirði.

Rannsóknasetur Háskóla Íslands á Eskifirði verður þrettánda setrið undir Stofnun rannsóknasetra HÍ og jafnframt það fyrsta sem starfar á sviði menntavísinda. Setrið verður til húsa í nýuppgerðum gamla barnaskólanum á Eskifirði. Forstöðumaðurinn verður starfsmaður Háskóla Íslands og mun hafa starfsstöð og gegna starfi sínu frá Rannsóknasetri Háskóla Íslands á Eskifirði.

Markmið Stofnunar rannsóknasetra er m.a. að skapa aðstöðu til rannsókna á landsbyggðinni og vera vettvangur samstarfsverkefna háskólans við sveitarfélög, stofnanir, fyrirtæki, félagasamtök og einstaklinga á landsbyggðinni. Rannsóknir eru meginviðfangsefni rannsóknasetranna og eru viðfangsefnin fjölbreytt og tengjast nærumhverfi setranna með einhverjum hætti. Lögð er rík áhersla á árangur í starfi, áhrif og gæði rannsókna og hagnýtingu rannsóknaniðurstaðna.

• Yfirumsjón með starfsemi setursins, fjármálum og daglegum rekstri

• Rannsóknir á fræðasviði viðkomandi

• Skipulagning rannsókna og samstarfsverkefna

• Áætlanagerð og sókn í rannsóknasjóði

• Möguleg leiðbeining framhaldsnema og kennsla á háskólastigi

• Tengja starfsemi rannsóknasetursins við nærumhverfi sitt og koma á tengslum við samstarfsstofnanir á sama sviði

• Doktorspróf á sviði menntavísinda eða skyldra greina

• Reynsla af rannsóknum á sviði menntavísinda

• Reynsla af stjórnun verkefna og/eða stjórnun með mannaforráðum er æskileg

• Reynsla af alþjóðasamstarfi sem og reynsla af þverfræðilegu samstarfi er æskileg

• Reynsla af sókn í innlenda sem og erlenda rannsóknasjóði er kostur

• Frumkvæði og sjálfstæði í vinnubrögðum ásamt lipurð í mannlegum samskiptum

• Gott vald á íslensku og ensku í töluðu og rituðu máli

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Ráðið verður í starfið til fimm ára, með möguleika á ótímabundinni ráðningu að þeim tíma liðnum sbr. 3. mgr. 31. gr. reglna fyrir Háskóla Íslands nr. 569/2009.

Um meðferð umsókna, mat á hæfi umsækjenda og ráðningu í starfið er farið eftir ákvæðum laga nr. 85/2008 um opinbera háskóla og reglna um Háskóla Íslands nr. 569/2009.

Umsækjendur skulu láta eftirfarandi gögn fylgja umsókn sinni.

Í umsókn skal koma fram hver ritverka sinna, allt að átta talsins, umsækjandi telur veigamest með tilliti til þess starfs sem um ræðir. Umsækjandi sendir eingöngu þessi ritverk sín með umsókn eða vísar til þess hvar þau eru aðgengileg á rafrænu formi. Þegar fleiri en einn höfundur stendur að innsendu ritverki skulu umsækjendur gera grein fyrir framlagi sínu til verksins. Umsóknargögnum sem ekki er hægt að skila rafrænt skal skila í tvíriti til vísinda- og nýsköpunarsviðs Háskóla Íslands, Sæmundargötu 2, 101 Reykjavík.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans. Vakin er athygli á málstefnu Háskóla Íslands.

Háskóli Íslands hefur frá stofnun verið undirstaða atvinnulífs og framfara í íslensku samfélagi. HÍ er jafnframt framsækinn rannsóknarháskóli og virkur þátttakandi í alþjóðlegu vísindasamstarfi.

Háskóli Íslands er stærsti háskóli landsins og býður upp á hátt á 400 námsleiðir á grunn-, meistara- og doktorsstigi. Um 14.000 nemendur stunda nám við skólann, þar af yfir 2.000 alþjóðlegir nemar.

Við Háskóla Íslands starfa yfir 1.800 manns. Skólinn leggur áherslu á að laða til sín fjölbreyttan hóp starfsfólks og stúdenta í alþjóðlegt fræðasamfélag þar sem akademískt frelsi, fagmennska, jafnrétti, fjölbreytileiki og inngilding eru í öndvegi.

Nánar um Háskóla Íslands, fræðasvið hans og deildir