Hjúkrunarfræðingur á dagdeild skurðlækninga A4 í Fossvogi

Óskað er eftir metnaðarfullum hjúkrunarfræðingi í öflugan hóp starfsfólks á dagdeild skurðlækninga A4 í Fossvogi. Við tökum vel á móti nýju starfsfólki og bjóðum upp á aðlögun með reyndu og frábæru starfsfólki. Starfshlutfall og upphaf starfa er samkomulag.

Dagdeild skurðlækninga A4 heyrir undir skurðlækninga-, skurðstofu- og gjörgæsluþjónustu. Á deildinni starfa um 30 einstaklingar, hjúkrunarfræðingar, sjúkraliðar og annað starfsfólk við fjölbreytt og krefjandi verkefni. Í boði er fjölbreytt, tæknilegt og líflegt starf í sérhæfðu starfsumhverfi þar sem ríkir góður starfsandi og þverfaglegt samstarf. Deildin tekur á móti sjúklingum á öllum aldri (börnum og fullorðnum) sem fara í aðgerðir á Landspítala í Fossvogi, þ.m.t. í háls-, nef- og eyrnalækningum, lýta-, æða-, heila-, tauga- og bæklunarskurðaðgerðir.

Á deildina leggjast inn sjúklingar sem fara í dagaðgerðir ásamt sjúklingum sem þarfnast innlagnar á öðrum legudeildum að aðgerð lokinni. Deildin sinnir einnig sjúklingum fyrir og eftir inngrip á vegum röntgen- og lungnalækna og tekur á móti bráðasjúklingum, t.d. frá bráðamóttöku, öðrum sjúkrahúsum eða að heiman.Opnunartími deildarinnar er frá 07:00 til 22:00 á virkum dögum. Vinnutímaskipulag er tvískipt vaktavinna.

Vinnuvika starfsfólks í fullri vaktavinnu er 36 stundir og getur orðið minni eftir samsetningu vakta. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf, þannig að störf í vaktavinnu verði eftirsóknarverðari.

• Skipulagning og framkvæmd hjúkrunarmeðferðar

• Fræðsla til sjúklinga og aðstandenda

• Virkur þátttakandi í þróun og uppbyggingu deildarinnar

• Þátttaka í gæðastarfi og þróun þjónustu við sjúklinga deildarinnar

• Þátttaka í þverfaglegri teymisvinnu

• Upplýsingagjöf til sjúklinga og aðstandenda

• Íslenskt hjúkrunarleyfi

• Faglegur metnaður og frumkvæði

• Sveigjanleiki, jákvætt viðhorf og góðir samskiptahæfileikar

• Áhugi og hæfni til að takast á við breytingar og vinna í teymi

• Skipulögð, sjálfstæð og öguð vinnubrögð

• Áhugi á að starfa í krefjandi og skemmtilegu umhverfi

• Íslenskukunnátta áskilin

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, Hjúkrunarfræðingur, Hjúkrun, teymisvinna

Tungumálahæfni: íslenska 3/5

Staðsetning: Fossvogur, 108 Reykjavík