Tamninga- og reiðkennari við Landbúnaðarháskóla Íslands

Starf tamninga- og reiðkennara við Landbúnaðarháskóla Íslands (LbhÍ) er laust til umsóknar. Starfsmaðurinn gegnir lykilhlutverki í diplómanámi í tamningafræði við LbhÍ en eitt af markmiðum námsins er að opna huga nemenda til að nýta landsins gæði til tamninga. Atferli og velferð hestsins verður í hávegum höfð í allri vinnu nemenda við hestinn.

Starfsmaðurinn mun jafnframt koma að kennslu í reiðmennsku í hestafræði sem er nám á BSc stigi sem og í búfræði sem er starfsmenntanám á framhaldsskólastigi.

Um Landbúnaðarháskóla Íslands

Landbúnaðarháskóli Íslands er mennta- og rannsóknastofnun á sviði landbúnaðar, landnýtingar, umhverfisvísinda, landslagsarkitektúrs og skipulagsfræða. LbhÍ vinnur að sjálfbærri nýtingu auðlinda, hágæða landbúnaðarframleiðslu og leggur áherslu á umhverfisvernd og sjálfbærni í allri starfsemi sinni. LbhÍ veitir gráður á BSc, MSc og doktorsstigi ásamt því að bjóða upp á starfsmenntanám í búfræði.

• Kennsla og þátttaka í þróun námskeiða í diplómanámi í tamningafræði

• Kennsla í reiðmennsku, hestafræði og umsjón námskeiða í búfræði

• Skipulag verklegrar kennslu og verkefna

• Námsmat og endurgjöf til nemenda

• Vinna sjálfstætt og í hópum við uppfærslu kennsluskráa og gerð nýrra áfanga

• Þátttaka í rannsókna- og nýsköpunarstarfi

• Þátttaka í faglegu þróunarstarfi og uppbyggingu innan skólans

• Önnur tilfallandi verkefni

• Þjálfari og reiðkennari, BS próf í reiðmennsku og reiðkennslu eða sambærilegt nám sem styður við starfslýsingu

• Hagnýt reynsla og þekking á ýmsum sviðum hesta- og tamningafræða

• Áhugi á miðlun þekkingar og kennslufræðum

• Góð tölvukunnátta

• Geta til að vinna sjálfstætt og sem hluti af hóp

• Samstarfshæfni og lipurð í samskiptum

• Gott vald á talaðri og ritaðri íslensku

Laun samkvæmt gildandi kjarasamningi sem fjármála- og efnahagsráðherra og Félag íslenskra náttúrufræðinga hafa gert.

• Umsækjendur eru vinsamlegast beðnir um að láta ferilskrá, kynningarbréf og prófskírteini fylgja umsókn sinni.

• Landbúnaðarháskóli Íslands áskilur sér rétt til að hafna öllum umsóknum.

• Öllum umsóknum verður svarað þegar ákvörðun um ráðningu liggur fyrir.