Skjalastjóri

Sjúkratryggingar auglýsa laust til umsóknar starf skjalastjóra. Um er að ræða spennandi starf fyrir metnaðarfullan sérfræðing á sviði skjala- og upplýsingamála.

Sjúkratryggingar eru lykilstofnun í íslenska heilbrigðiskerfinu sem tryggir réttindi sjúkratryggðra og stuðlar að jöfnu aðgengi að góðri og hagkvæmri heilbrigðisþjónustu með það að leiðarljósi að vernda heilbrigði. Stofnunin kaupir og greiðir fyrir stóran hluta heilbrigðisþjónustu landsins fyrir hönd ríkisins og annast jafnframt réttindi vegna lyfja, hjálpartækja og ýmissa bóta.

• Dagleg umsýsla með skjalasafni Sjúkratrygginga, þ.m.t. gerð og viðhaldi málalykils, skjalavistunaráætlunar, geymsluskráa, tilkynningu og afhendingu rafrænna gagnasafna til langtímavarðveislu

• Umsjón með rafrænu skjalavörslukerfi, þ.m.t. skráningu mála og málsgagna

• Ráðgjöf og fræðsla til starfsfólks um skjalavörslu og skjalastjórn

• Mótun innanhússferla, verklags og stefnu í skjalamálum Sjúkratrygginga

• Önnur tilfallandi verkefni

• Háskólamenntun í upplýsinga- og skjalastjórn

• Góð þekking og reynsla á opinberri skjalavörslu og skjalastjórn

• Mjög góð íslensku- og enskukunnátta

• Færni í mannlegum samskiptum, jákvætt viðmót og rík þjónustulund

• Sjálfstæði í vinnubrögðum og geta til að leiða umbætur

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Sótt er um starfið á Starfatorgi ríkisins á www.starfatorg.is. Umsókn skal fylgja ítarleg náms- og starfsferilskrá og kynningarbréf þar sem gerð er grein fyrir ástæðu umsóknar. Mat á hæfni umsækjenda byggist á innsendum gögnum og viðtölum við umsækjendur. Tekið er mið af jafnréttisáætlun Sjúkratrygginga við ráðningu í starfið. Öllum umsóknum verður svarað þegar ákvörðun um ráðningu liggur fyrir. Umsókn getur gilt í 6 mánuði.

Æskilegt að viðkomandi get hafið störf sem fyrst.