Starfsmaður á rannsóknardeild - HSN Fjallabyggð

Heilbrigðisstofnun Norðurlands (HSN) á Siglufirðióskar eftir að ráða metnaðarfullan starfsmann á rannsóknardeild stofnunarinnar. Um er að ræða fjölbreytt og mikilvægt starf þar sem fagmennska, þjónustulund og góð samskipti eru í fyrirrúmi. Starfið býður upp á tækifæri til að taka virkan þátt í þjónustu við samfélagið og vinna náið með öðru fagfólki innan heilbrigðisþjónustunnar.

Um er að ræða dagvinnu í 50% starfshlutfalli með vinnutíma frá kl. 08:00-12:00. Æskilegt er að viðkomandi getið hafið störf sem fyrst eða samkvæmt samkomulagi.

Á HSN Fjallabyggð starfar samhentur og öflugur hópur fagfólks sem leggur metnað sinn í að veita framúrskarandi heilbrigðisþjónustu. Við leggjum áherslu á vellíðan í vinnu, jákvætt starfsumhverfi og að vera fjölskylduvænn vinnustaður. Hér gefst tækifæri til að starfa í nánu og fjölskylduvænu samfélagi þar sem stutt er í fjölbreytta útivist og góð lífsgæði.

• Blóðmeina-, og meinefna-, þvagrannsóknir og sýklaræktanir

• Blóðtökur og samskipti við skjólstæðinga

• Skráning og vinna í FlexLab og upplýsingakerfum HSN

• Virk þátttaka í gæðastarfi rannsóknardeildar

• Samstarf við lækna og annað heilbrigðisstarfsfólk

• Önnur tilfallandi verkefni skv. beiðni næsta yfirmanns

• Menntun sem nýtist í starfi, svo sem lífeindafræði, hjúkrun, sjúkraliði, sjúkraflutningamaður eða líffræði

• Starfsleyfi heilbrigðisstéttar ef við á

• Góð tölvukunnátta

• Jákvæðni og mjög góð samskipta- og samstarfshæfni

• Frumkvæði, áhugi og metnaður til að ná árangri

• Sjálfstæði og skipulögð vinnubrögð

• Góð íslensku- og/eða enskukunnátta

• Hreint sakavottorð og gott orðspor

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Með umsókn skal fylgja ferilskrá ásamt kynningarbréfi þar sem fram kemur rökstuðningur fyrir hæfni viðkomandi í starfið.

Tekið er á móti rafrænum umsóknum á starfstorg.is með því að smella hér fyrir neðan. Öllum umsóknum verður svarað þegar ákvörðun um ráðningu hefur verið tekin. Umsóknir gilda í sex mánuði frá því umsóknarfrestur rennur út. Fólk af öllum kynjum er hvatt til að sækja um starfið.

Tóbaksnotkun og notkun á rafsígarettum er ekki heimil á vinnutíma innan HSN.

Gildi HSN eru: Fagmennska - Samvinna - Virðing.