Hjúkrunarfræðingur á heilsugæslu

Heilbrigðisstofnun Vestfjarða óskar eftir að ráða hjúkrunarfræðing á heilsugæslu stofnunarinnar á Ísafirði. Starfið felur í sér almenna heilsugæsluhjúkrun, Boðið er upp á fjölbreytt starf í örvandi starfsumhverfi og góðum starfsanda.

Heilbrigðisstofnun Vestfjarða er metnaðarfullur vinnustaður þar sem um 250 manns starfa á fjórum megin starfsstöðvum. Á stofnuninni er unnið markvisst að góðum starfsanda og lögð er áhersla á traust og jákvæðni í samskiptum.

Starfið er fjörlbreytt og víðtækt s.s heilsuvernd ungbarna, skólahjúkrun, hjúkrunarvakt og margt fleira á heilsugæslustöðinni á Ísafirði og í heilsugæsluselum á norðanverðum Vestfjörðum.

• Íslenskt hjúkrunarleyfi

• Sérnám í heilsugæsluhjúkrun er kostur og /eða reynsla af vinnu á heilsugæslu

• Sjálfstæði og metnaður í starfi

• Íslenskukunnátta áskilin

• Jákvæðni og góð hæfni í mannlegum samskiptum

• Ökuréttindi eru nauðsynleg

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Æskilegt er að starfsmaður geti byrjað sem fyrst.

Umsókn skal fylgja náms- og starfsferilskrá ásamt kynningarbréfi. Jafnframt skal leggja fram staðfestar upplýsingar um menntun og staðfest afrit af opinberu starfsleyfi. gert er grein fyrir hæfni og áhuga á starfinu ásamt afriti af prófskírteinum og starfsleyfi. Viðtöl verða tekin við umsækjendur og byggist ákvörðun um ráðningu í starfið á þeim og innsendum gögnum.

Möguleiki er á að stofnunin aðstoði við öflun íbúðarhúsnæðis.

Öllum umsóknum verður svarað þegar ráðning hefur verið ákveðin. Umsókn getur gilt í allt að 6 mánuði.

Starfshlutfall er 70-100%

Umsóknarfrestur er til og með 15. ágúst 2026