Hjúkrunarfræðingur á almennri göngudeild 10E við Hringbraut

Laust er til umsóknar starf hjúkrunarfræðings á almennri göngudeild 10E við Hringbraut.

Á deildinni starfa þrjú sérhæfð hjúkrunarteymi sem veita fjölbreytta og metnaðarfulla þjónustu:

Kviðarholsteymi - sinnir einstaklingum með sjúkdóma í kviðarholi og veitir sérhæfða hjúkrunarþjónustu á öllum stigum meðferðar.

Meltingarteymi - sinnir einstaklingum með langvinna meltingarfærasjúkdóma, meðal annars bólgusjúkdóma í þörmum (IBD), skorpulifur og fleiri, auk sjúklinga með næringarslöngur og -hnappa. Þá er veitt meðferð á innrennslismóttöku þar sem gefin eru ýmis lyf, svo sem líftæknilyf og jafnframt framkvæmdar rannsóknir á meltingarvegi, svo sem öndunarpróf og myndhylkisrannsóknir.

Ígræðsluteymi - sinnir einstaklingum sem eru í undirbúningi fyrir eða hafa gengist undir líffæraígræðslu, auk lifandi líffæragjafa. Áhersla er lögð á fræðslu, ráðgjöf, stuðning og skipulagða eftirfylgd. Teymið starfar í nánu samstarfi við Sahlgrenska háskólasjúkrahúsið í Gautaborg og fjölmargar sérgreinar innan Landspítala.

Hvert teymi samanstendur af öflugu þverfaglegu starfsfólki sem vinnur markvisst að því að veita framúrskarandi þjónustu og stuðla að bættum lífsgæðum sjúklinga. Um er að ræða spennandi starf fyrir hjúkrunarfræðing sem hefur áhuga á sérhæfðri hjúkrun, sjálfstæðum vinnubrögðum og þátttöku í þróun þjónustu.

Hvers vegna að starfa hjá okkur?

Við bjóðum upp á:

• Fjölbreytt og spennandi starf í sérhæfðu klínísku umhverfi

• Tækifæri til faglegrar þróunar og símenntunar

• Öflugt þverfaglegt samstarf

• Verkefni sem kalla á sjálfstæð og ábyrgðarfull vinnubrögð

• Metnaðarfullan og styðjandi vinnustað þar sem áhersla er lögð á gæði, öryggi og framþróun þjónustunnar

Í boði er einstaklingsmiðuð aðlögun undir leiðsögn reyndra hjúkrunarfræðinga. Starfshlutfall er 80-100% dagvinna og er starfið laust frá 1. september 2026 eða eftir nánara samkomulagi.

Vinnuvika starfsfólks í fullri dagvinnu er 36 stundir. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.

• Veita einstaklingsmiðaða og heildræna hjúkrunarmeðferð

• Taka þátt í greiningu, meðferð og eftirfylgd sjúklinga

• Stuðla að þróun verkferla og gæðastarfs á göngudeild

• Starfa í náinni þverfaglegri samvinnu innan og utan deildar

Kviðarholsteymi:

• Þátttaka í greiningarferli og meðferð einstaklinga með krabbamein í kviðarholi

• Undirbúningur fyrir og eftirfylgd eftir aðgerðir á kviðarholi

• Sárameðferð, skurðsára og flóknari sára

• Aðstoð við framkvæmd minni háttar aðgerða í staðdeyfingu

• Móttaka einstaklinga með vandamál í grindarbotni

• Eftirfylgd eftir efnaskiptaaðgerðir

• Ráðgjöf, fræðsla, stuðningur og meðferð einstaklinga með stóma

Meltingarteymi:

• Einstaklingsmiðuð og heildræn hjúkrunarþjónusta

• Þátttaka í greiningu, meðferð og eftirfylgd einstaklinga með meltingarsjúkdóma

• Gjöf líftæknilyfja og önnur innrennslismeðferð

• Framkvæmd rannsókna á meltingarvegi

• Fræðsla og stuðningur við sjúklinga og aðstandendur

Ígræðsluteymi:

• Undirbúningur fyrir og eftirfylgd eftir líffæraígræðslu

• Eftirfylgd lifandi líffæragjafa

• Fræðsla og stuðningur við sjúklinga og aðstandendur

• Samskipti og samstarf við innlenda og erlenda samstarfsaðila

• Skráning og utanumhald gagna

• Íslenskt hjúkrunarleyfi

• Faglegur metnaður og sjálfstæði í starfi

• Jákvætt viðmót og góðir samskiptahæfileikar

• Áhugi á að starfa í krefjandi og fjölbreyttu umhverfi

• Góð íslenskukunnátta áskilin

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, Hjúkrunarfræðingur, Hjúkrun, teymisvinna

Tungumálahæfni: íslenska 3/5

Staðsetning: Hringbraut, 101 Reykjavík