Aðstoðarmanneskja við skordýragreiningar

Náttúrufræðistofnun óskar eftir að ráða tímabundið í starf sérfræðings til að taka þátt í verkefnum stofnunarinnar á sviði smádýra. Starfið felur í sér skráningu og úrvinnslu gagna, rannsóknir og greiningarvinnu undir handleiðslu og í nánu samstarfi við aðra sérfræðinga innan og utan stofnunar.

Um hlutastarf er að ræða en hlutfall og vinnutími getur verið sveigjanlegur eftir samkomulagi.

Starfsstöð er í Urriðaholti, Garðabæ. Ráðningatími er frá 15. ágúst til 15. desember 2026.

• Aðstoð við vöktun og rannsóknir á sviði smádýra

• Tegundagreining skordýra

• Skráning í gagnagrunn

• Vettvangsvinna

• Önnur tilfallandi verkefni í samráði við stjórnendur

• Þekking á smádýrafánu landsins og smádýragreiningum er æskileg

• Menntun sem nýtist í starfi

• Marktæk reynsla af vettvangsvinnu er kostur

• Lipurð í mannlegum samskiptum og ríkur vilji til samstarfs innan og utan stofnunar

• Sjálfstæði í vinnubrögðum og vandvirkni

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Eftirfarandi gögn skulu fylgja umsókn

• Ferilskrá

• Staðfest afrit prófskírteina

• Upplýsingar um umsagnaraðila

• Stutt kynningarbréf þar sem áhuga fyrir starfinu er lýst og tiltekið hvað umsækjandi getur lagt af mörkum til auglýstra starfsþátta

Öllum umsóknum verður svarað og umsækjendum tilkynnt um niðurstöðu þegar ákvörðun um ráðningu hefur verið tekin. Umsóknir geta gilt í sex mánuði frá lokum umsóknarfrests.

Öll kyn eru hvött til að sækja um störf hjá Náttúrufræðistofnun í samræmi við jafnréttisáætlun og jafnlaunastefnu stofnunar.

Um Náttúrufræðistofnun

Hjá Náttúrufræðistofnun starfa tæplega 80 manns við rannsóknir, kortlagningu og vöktun á náttúru landsins. Starfsandi er góður og heimilislegur, þar sem leitast er við að bjóða fjölskylduvænan vinnustað og heilsueflandi vinnuumhverfi. Við ráðningar í störf hjá Náttúrufræðistofnun er tekið mið af jafnréttisstefnu stofnunarinnar.

Starfsstöðvar Náttúrufræðistofnunar eru sex talsins; í Garðabæ, á Akranesi, á Breiðdalsvík, í Mývatnssveit, á Raufarhöfn og á Akureyri.