Félagsmálafulltrúi Fjölbrautaskólans við Ármúla

Fjölbrautaskólinn við Ármúla óskar eftir að ráða félagsmálafulltrúa í 50% starf næsta skólaár.

Við leitum eftir hugmyndaríkum einstaklingi sem hefur áhuga á að efla félagslíf nemenda, styðja við vellíðan þeirra og halda utan um viðburði nemendafélagsins.

• Stuðla að virku, fjölbreyttu og jákvæðu félagslífi nemenda.

• Vera nemendum til ráðgjafar um félagsstörf á vegum Nemendafélags FÁ.

• Skipuleggja umsjón og eftirlit með viðburðum.

• Hvetja nemendur til þátttöku í félagsstarfi og efla samfélagsanda innan skólans.

• Styðja við að félagslíf skólans stuðli að vellíðan og virkri þátttöku nemenda.

• Sitja skólastjórnarfundi þar sem farið er yfir starf nemendafélagsins og hagsmunamál nemenda.

• Vera tengiliður milli nemendafélagsins og stjórnenda.

• Önnur verkefni í samráði við skólameistara.

• Menntun og/eða reynsla sem nýtist í starfi, til dæmis á sviði tómstunda-, félags eða uppeldisfræða

• Hugmyndaauðgi og frumkvæði.

• Góð samskiptahæfni, hæfni og vilji til að vinna með ungu fólki.

• Sjálfstæði í vinnubrögðum og skipulagshæfni.

• Hafa unnið með ungu fólki.

• Hafa góða tölvukunnáttu og þekkingu á upplýsingartækni, m.a. kunnáttu og þekkingu á Office365 og þeim samfélagsmiðlum sem nemendur á framhaldsskólaaldri nýta mest.

Laun samkvæmt gildandi kjarasamningi sem fjármála- og efnahagsráðherra og Kennarasamband Íslands hafa gert.

Ráðið er í stöðuna frá 1. ágúst næstkomandi.

Umsóknum skal skilað í gegnum Starfatorg. Náms- og starfsferilsskrá skal fylgja innsendri umsókn ásamt þeim gögnum sem umsækjendur telja skipta máli í ráðningarferlinu.

Í samræmi við jafnréttisáætlun skólans er fólk af öllum kynjum hvatt til að sækja um starfið.

Á heimasíðu skólans, www.fa.is, eru upplýsingar um skólann og starfsemi hans.