Hjúkrunarfræðingur á hjarta- og æðaþræðingastofu

Við leitum eftir öflugum hjúkrunarfræðingi til starfa á hjarta- og æðaþræðingarstofu Landspítala við Hringbraut. Starfið er laust frá 1. september 2026 eða samkvæmt nánara samkomulagi.

Á hjarta- og æðaþræðingarstofu starfar um 13 manna samhent teymi reyndra starfsmanna í nánu samstarfi við aðrar deildir spítalans. Þar eru gerðar hjartaþræðingar, kransæðavíkkanir, gangráðsísetningar, raflífeðlisfræðilegar rannsóknir/ aðgerðir og fleira sem tengist hjartasjúkdómum. Í hjartalækningum er mjög hröð framþróun og vel er fylgst með nýjungum á því sviði.

Unnið er í dagvinnu og gert er ráð fyrir að viðkomandi sinni bakvöktum eftir að þjálfun lýkur.

Hjarta- og æðaþræðingarstofur eru hluti af kjarnaþjónustu Landspítala við sjúklinga með hjartasjúkdóma. Mikil samvinna er á milli þjónustueininga kjarnans hvað varðar ferli sjúklinga eftir því hvar þeir eru staddir í sinni meðferð og hjúkrunar.

• Vinna við hjartaþræðingar og aðgerðir þeim tengdum

• Þátttaka í þverfaglegri teymisvinnu

• Íslenskt hjúkrunarleyfi

• Reynsla af hjúkrun hjartasjúklinga eða gjörgæsluhjúkrun

• Hæfni og áhugi til að starfa í teymi

• Frumkvæði, faglegur metnaður og sjálfstæði í vinnubrögðum

• Góð samskiptahæfni og lipurð í mannlegum samskiptum

• Góð íslenskukunnátta

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, Hjúkrunarfræðingur, hjúkrun

Tungumálahæfni: íslenska 4/5

Staðsetning: Hringbraut, 105 Reykjavík