Aðjúnkt í fjölmiðlafræði

Félagsvísindadeild, Hug- og félagsvísindasvið, Háskólinn á Akureyri

Háskólinn á Akureyri auglýsir laust starf aðjúnkts í fjölmiðlafræði við Félagsvísindadeild, (eitt 100% starf eða tvö 50% störf).

Leitað er að umsækjanda með starfsreynslu úr íslenskum fjölmiðlum, sem hefur áhuga á að taka þátt í kennslu á námsbraut í fjölmiðlafræði. Sérstaklega er hvatt til umsókna frá einstaklingum með reynslu af blaðamennsku, stafrænum miðlum, samfélagsmiðlum, framleiðslu fjölmiðlaefnis eða stjórnun fjölmiðla.

Námið leggur sérstaka áherslu á að tengja faglega fjölmiðlareynslu og fræðilega kennslu.

Sá sem ráðinn verður mun taka þátt í kennslu námskeiða sem tengjast samtímafjölmiðlum og breytingum í fjölmiðlaumhverfi, þar á meðal þróun stafrænnar miðlunar og nýrrar tækni.

Gert er ráð fyrir að viðkomandi geti hafið störf 1. janúar 2027 eða samkvæmt samkomulagi.

Sá einstaklingur sem ráðinn verður mun meðal annars:

• kenna námskeið í fjölmiðlafræði

• miðla faglegri reynslu úr íslenskum fjölmiðlum í kennslu og þróun námskeiða

• taka þátt í þróun kennslu um fjölmiðlaumhverfi samtímans, þar á meðal stafræna miðla, samfélagsmiðla, útvarp og hlaðvarp

• taka þátt í fræðasamfélagi námsins

• stunda sjálfstæðar rannsóknir á sviði fjölmiðla og samskipta

Kennsla við Háskólann á Akureyri fer að stórum hluta fram í sveigjanlegu námi, með reglulegum staðlotum.

Starfsstöðin er á Akureyri.

Næsti yfirmaður er forseti Félagsvísindadeildar.

Umsækjendur skulu hafa:

• meistaragráðu í fjölmiðlafræði, blaðamennsku, boðmiðlun eða skyldu fagi

• umtalsverða starfsreynslu í íslenskum fjölmiðlum, t.d. blaðamennsku, útvarpi eða sjónvarpi, stafrænum miðlum eða af fjölmiðlafyrirtækjum

• geta sýnt fram á hæfni til að miðla faglegri þekkingu í kennslu

Eftirfarandi telst kostur:

• kennslureynsla á háskólastigi eða í faglegu námsumhverfi

• reynsla af stafrænum miðlum, samfélagsmiðlum eða nýrri miðlunartækni

• víðtæk tengsl innan íslensks fjölmiðlaumhverfis

• Umsækjendur skulu hafa góða samskipta- og samstarfshæfni.

• Góð kunnátta í íslensku og ensku í ræðu og riti er nauðsynleg.

Umsóknargögn

• Umsókn skal innihalda:

• ferilskrá

• kynningarbréf þar sem umsækjandi lýsir áhuga sínum á starfinu og viðeigandi reynslu

• afrit af prófskírteinum

• gögn sem staðfesta starfsreynslu í fjölmiðlum

• nöfn og tengiliðaupplýsingar tveggja umsagnaraðila

Laun samkvæmt gildandi kjarasamningi sem fjármála- og efnahagsráðherra og Félag háskólakennara á Akureyri hafa gert.

Umsóknir verða afgreiddar samkvæmt reglum um ráðningar við Háskólann á Akureyri.

Ófullnægjandi umsóknir verða ekki teknar til greina.

Háskólinn á Akureyri áskilur sér rétt til að hafna öllum umsóknum. Öllum umsóknum verður svarað þegar ákvörðun um ráðningu í starfið hefur verið tekin. Umsókn getur gilt í sex mánuði eftir að umsóknarfresti lýkur.

Háskólinn á Akureyri er jafnréttissinnaður vinnustaður og hvetur fólk af öllum kynjum til að sækja um.