Aðjúnkt í líftækni

Háskólinn á Akureyri auglýsir laust til umsóknar 100% starf aðjúnkts í líftækni við Auðlindadeild Háskólans á Akureyri.

Ráðið er í stöðuna frá og með 1. ágúst 2026

Leitað er að öflugum einstaklingi til að sinna kennslu í líftækni og tengdum greinum við Auðlindadeild og stunda rannsóknir á því sviði, auk þróunar náms á grunnstigi við deildina. Rannsóknaáherslur skulu vera á sviði líftækni, með áherslu á líftæknilega örverufræði. Helstu verkefni eru verkleg og bókleg kennsla í sérgreinum námsbrautarinnar, og rannsóknir á sviði líftækni og líftæknilegrar örverufræði. Næsti yfirmaður er forseti Auðlindadeildar. Starfsstöðin er á Akureyri.

Menntunarkröfur

• Grunnmenntun (BSc) í líftækni eða tengdum greinum

• Meistarapróf (MSc) á sviði líftækni eða tengdum greinum sem nýtist í starfi.

Hæfnikröfur

• Reynsla af kennslu á háskólastigi, með sérstaka áherslu á verklega kennslu í grunnnámi.

• Að geta skipulagt og annast öflugt kennslustarf í grunnnámi í líftækni.

• Krafist er góðrar hæfni í mannlegum samskiptum, góðri færni í að miðla þekkingu og skipulagshæfni.

• Gott vald á íslensku og ensku, jafnt í töluðu sem rituðu máli.

Umsókn skal fylgja:

• Greinargott yfirlit yfir náms- og starfsferil og kennslureynslu.

• Kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið.

• Staðfest afrit af prófskírteinum, á íslensku eða ensku.

• Tilnefna skal tvo meðmælendur. Æskilegt er að einn þeirra sé næsti yfirmaður umsækjanda í núverandi eða fyrra starfi.

Við ráðningu verður miðað við, að sá er starfið hlýtur falli sem best að aðstæðum og þörfum Auðlindadeildar Háskólans á Akureyri.

Laun samkvæmt gildandi kjarasamningi sem fjármála- og efnahagsráðherra og Félag háskólakennara á Akureyri hafa gert.

Meðferð umsókna, mat á hæfi umsækjenda og ráðning í starfið er í samræmi við ákvæði laga um opinbera háskóla nr. 85/2008 með síðari breytingu, og reglur fyrir Háskólann á Akureyri. nr. 694/2022. Við mat á umsóknum er tekið mið af hversu vel viðkomandi uppfyllir þarfir auðlindadeildar. Öllum umsóknum verður svarað þegar ákvörðun um ráðningu í starfið hefur verið tekin. Ófullnægjandi umsóknir eru ekki teknar til greina. Háskólinn á Akureyri áskilur sér rétt til að hafna öllum umsóknum.