Viltu starfa við svefnrannsóknir og meðferð svefnsjúkdóma?

Við sækjumst eftir drífandi einstaklingi til að sinna spennandi starfi svefnmælifræðings á Svefnmiðstöð Landspítala.

Miðstöðin sinnir greiningu og meðferð svefntengdra sjúkdóma. Starfið er undir leiðsögn sérhæfðs starfsfólks og sérfræðilækna samkvæmt því sem best gerist og í samræmi við alþjóðlega staðla. Stuðningur við sjúklinga er hvoru tveggja á Landspítala sem og á landsbyggðinni. Mikilvægi svefns á heilsu er mikið rannsakað og áhrifin víðtæk og mikilvægt að umsækjandi hafi áhuga á lífeðlisfræði, tækni, þjónustu, heilsu og vellíðan fólks. Námstækifæri eru til staðar tengt svefni og boðið verður upp á stuðning til að ná fullgildu svefntækninámi, Registered Polysomnographic Technologist (RPSGT).

Á deildinni starfar þverfaglegur hópur fagfólks og lagt er upp úr teymisvinnu sérfræðilækna, hjúkrunarfræðinga, sálfræðinga, heilbrigðisverkfræðinga, ritara o.fl.

Við tökum vel á móti nýju samstarfsfólki og veitum góða einstaklingshæfða aðlögun. Æskilegt að umsækjandi geti hafið störf sem fyrst eða eftir samkomulagi. Unnið er í dagvinnu en hluti starfsins eru vaktir á kvöldin og næturvaktir.

• Undirbúa sjúklinga fyrir svefnrannsókn

• Framkvæma, skora og greina svefnmælingu (polysomnography), kæfisvefnsskimun, Multiple Sleep Latency Test

• Innleiða kæfisvefns- og öndunarstuðningsmeðferð hjá sjúklingum

• Eftirlit með meðferð, þ.m.t. rauntímaeftirlitsmælingar með árangri á svefnöndunarvél

• Þjónusta og stuðningur við sjúklinga

• Þátttaka í teymisvinnu

• Háskólamenntun á sviði heilbrigðisvísinda, líffræði, heilbrigðisverkfræði, sálfræði og eða sambærileg háskólamenntun sem nýtist í starfi, íslenskt starfsleyfi heilbrigðisstéttar eins og við á

• Reynsla af tölvuvinnslu/ tölvulæsi

• Faglegur metnaður, þjónustulund og umbótahugsun

• Sjálfstæð, vönduð og skipulögð vinnubrögð

• Hæfileiki til að starfa í þverfaglegu teymi

• Jákvætt viðmót og lipurð í mannlegum samskiptum

• Góð íslensku- og enskukunnátta áskilin

Laun samkvæmt gildandi kjarasamningi sem fjármála- og efnahagsráðherra og Viska - stéttarfélag hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi (ef við á). Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, náttúrufræðingur, rannsóknir, heilbrigðisvísindi, heilbrigðisverkfræðingur,

Tungumálakunnátta: Íslenska 5/5, enska 4/5

Staðsetning: Fossvogi, 108 Reykjavík