Sálfræðingur

Heilbrigðisstofnun Suðurnesja óskar eftir að ráða til starfa sálfræðinga. Um er að ræða tvö stöðugildi.

Heilbrigðisstofnun Suðurnesja (HSS) veitir íbúum Suðurnesja fyrsta- og annars stigs heilbrigðisþjónustu. Á HSS eru þrjú svið; heilsugæslusvið, sjúkrasvið og hjúkrunarsvið. Framundan er víðtæk uppbygging á stofnuninni, endurskoðun á þjónustuferlum sem og stefnu stofnunarinnar byggðri á Heilbrigðisstefnu til ársins 2030.

Staðan er hluti af sálfélagslegri þjónustu HSS, sem býður upp á mat og meðferð fyrir börn, unglinga og fullorðna. Lögð er áhersla á að þróa þjónustuna í samræmi við geðheilbrigðisáætlun og leitum við því að metnaðarfullum sálfræðingi, sem hefur áhuga á að taka þátt í þeirri þróun með okkur. Æskilegt er að viðkomandi geti hafið störf sem fyrst.

Á HSS er lögð áhersla á góða samvinnu, stuttar boðleiðir og góðan starfsanda.

• Sálfræðiþjónusta fyrir fullorðna og börn

• Greining og mat á geðrænum vanda

• Gagnreynd sálfræðimeðferð og ráðgjöf

• Námskeiðahald

• Teymisvinna

• Samstarf við aðrar heilbrigðisstofnanir og félagsþjónustu

• Þátttaka í stefnumótun og uppbyggingu sálfræðiþjónustu HSS.

• Réttindi til að starfa sem sálfræðingur á Íslandi

• Góð íslenskukunnátta

• Þekking á gagnreyndum meðferðarúrræðum við algengustu geðröskunum fullorðinna

• Reynsla af greiningu og meðferð fullorðinna er nauðsynleg

• Reynsla af meðferð barna er nauðsynleg

• Reynsla af notkun sálfræðilegra prófa og greiningatækja

• Það er lögð áhersla á sjálfstæði og frumkvæði í starfi, auk samskiptahæfni og sveigjanleika

Laun samkvæmt gildandi kjarasamningi sem fjármála- og efnahagsráðherra og Sálfræðingafélag Íslands hafa gert.

Umsókn fylgi náms- og starfsferilskrá ásamt afriti af prófskírteinum og starfsleyfi.

Ákvörðun um ráðningu byggist á innsendum gögnum og/eða umsögnum. Tekið er mið af jafnréttisstefnu HSS við ráðningar á stofnunina. Öllum umsóknum verður svarað. Umsóknir gilda í sex mánuði.