Aðstoðardeildarstjóri í heimahjúkrun á Akureyri - Heilbrigðisstofnun Norðurlands

Heilbrigðisstofnun Norðurlands (HSN) á Akureyri, heimahjúkrun óskar eftir að ráða aðstoðardeildarstjóra í 100% ótímabundið starf í dagvinnu. Leitað er að kraftmiklum leiðtoga sem er tilbúinn til að leiða teymi og taka virkan þátt í daglegri starfsemi deildarinnar. Aðstoðardeildarstjóri er staðgengill teymisstjóra og deildarstjóra í fjarveru þeirra.

Helstu verkefni felast í ábyrgð á mönnun, skipulagningu og stjórnun daglegra starfsemi í nánu samstarfi við deildarstjóra. Þá tekur viðkomandi þátt í fjölbreyttum verkefnum sem snúa að rekstri, stjórnun eininga og mannauðsmála.

Í heimahjúkrun starfa að jafnaði um 55 starfsmenn. Sex teymi eru starfrækt í heimahjúkrun eitt þeirra er endurhæfingarteymi. Við heimahjúkrun starfar samheldinn hópur sjúkraliða, hjúkrunarfræðinga, félagsliða, iðjuþjálfa, sálfræðingur og sjúkraþjálfari sem leggja mikinn metnað í að þjónusta einstaklinga á öllum æviskeiðum þeirra. Heimahjúkrun leggur áherslu á að vera fjölskylduvænn vinnustaður og mæta starfsfólki sínu með sveigjanleika.

• Ráðgefandi hlutverk og stuðningur við teymisstjóra

• Staðgengill teymisstjóra í þeirra fjarveru

• Staðgengill deildarstjóra í fjarveru hans

• Aðstoð við stjórnun og rekstur á starfsemi heimahjúkrunar í samráði við deildarstjóra

• Sinnir almennum klínískum hjúkrunarstörfum og ber ábyrgð á þeim

• Vinna að frekari uppbyggingu þjónustunnar ásamt teymisstjórum og deildarstjóra

• Þátttaka í stefnumótun, mótun starfsáætlana og verkferla

• Sjá um eftirlit og mat á gæðum hjúkrunar í samráði við deildarstjóra

• Ráðgjöf og fræðsla til íbúa, aðstandenda og starfsmanna

• Skipulag sólahringsþjónustu fyrir skjólstæðing

• Önnur verkefni skv. beiðni deildarstjóra

• Fullgilt hjúkrunarpróf og íslenskt starfsleyfi

• Haldbær reynsla af hjúkrunarstörfum sem nýtist í starfi skilyrði

• Farsæl reynsla af sambærilegu starfi er kostur

• Framhaldsmenntun sem nýtist í starfi kostur

• Farsæl reynsla og áhugi af vinnu í þverfaglegu teymi og teymisstjórnun

• Framúrskarandi hæfni í mannlegum samskiptum og leiðtogahæfni

• Reynsla af RAI-mælitækinu er kostur

• Reynsla af uppbyggingu og þróun nýrrar þjónustu er kostur

• Skipulagshæfni, sjálfstæði í starfi og frumkvæði

• Faglegur metnaður og sveigjanleiki

• Góð almenn íslensku- og tölvukunnátta

• Hreint sakavottorð, gott orðspor og ökuleyfi

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Með umsókn skal fylgja ítarleg náms- og starfsferilskrá ásamt kynningarbréfi á íslensku þar sem fram kemur rökstuðningur fyrir hæfni og sýn viðkomandi á starfið. Með umsókn skal einnig fylgja afrit af starfsleyfi og prófskírteini.

Tekið er á móti rafrænum umsóknum á starfstorg.is með því að smella hér fyrir neðan. Öllum umsóknum verður svarað þegar ákvörðun um ráðningu hefur verið tekin. Umsóknir gilda í sex mánuði frá því umsóknarfrestur rennur út. Fólk af öllum kynjum er hvatt til að sækja um starfið.

Tóbaksnotkun og notkun á rafsígarettum er ekki heimil á vinnutíma innan HSN.

HSN vill vera framsækin stofnun, eftirsóknarverður vinnustaður og í fararbroddi í heilbrigðisþjónustu og heilbrigðismenntun á landsbyggðinni. Hlutverk HSN er meðal annars að stuðla að heilbrigði íbúanna með því að veita faglega, samfellda og heildstæða heilbrigðisþjónustu.

Gildi HSN eru: Fagmennska - Samvinna - Virðing.