Félagsmála- og forvarnafulltrúa við Menntaskólann við Hamrahlíð

Menntaskólinn við Hamrahlíð óskar eftir að ráða félagsmála- og forvarnafulltrúa í hlutastarf skólaárið 2026-2027. Í MH er boðið upp á nám til stúdentsprófs á bóknámsbrautum og alþjóðlegri námsbraut, IB-braut, auk náms á fjölnámsbraut. Rúmlega 100 starfsmenn starfa við skólann og nemendur eru rúmlega 1000.

Starfið felur í sér mikið samstarf við stjórn nemendafélagsins, nemendur og annað starfsfólk skólans.

• Vera nemendum til ráðgjafar um félagsstörf á vegum Nemendafélags MH, NFMH.

• Skipuleggja umsjón og eftirlit með viðburðum.

• Fara yfir umsóknir nemenda vegna viðburða og samkoma NFMH.

• Sitja skólastjórnarfundi þar sem farið er yfir starf NFMH og hagsmunamál nemenda.

• Vera nemendum til ráðgjafar og fylgjast með útgáfustarfsemi á vegum NFMH.

• Vera tengiliður milli nemenda og stjórnenda skólans.

• Vera talsmaður forvarnastefnu skólans og fylgja henni eftir í samráði við stjórnendur og stoðþjónustu.

• Samhæfa forvarnafræðslu fyrir nemendur og starfsfólk.

• Aðstoða nemendur sem vilja hætta neyslu og styðja nemendur sem hafa valið sér líf án áfengis, tóbaks og ólöglegra vímuefna.

• Vera til viðtals fyrir nemendur, starfsfólk og þá sem skólanum tengjast.

• Vera í samstarfi við foreldraráð.

• Vera tengiliður Heilsueflandi framhaldsskóla.

• Önnur verkefni í samráði við rektor.

Umsækjandi skal hafa háskólamenntun í tómstunda- og félagsmálafræðum eða aðra sambærilega menntun sem nýtist í starfi sem félagsmála- og forvarnafulltrúi í framhaldsskóla.

Aðrar hæfniskröfur

• Búa yfir faglegum metnaði, sveigjanleika, frumkvæði, öguðum vinnubrögðum og jákvæðu hugarfari.

• Búa yfir samskiptafærni og hæfni til að starfa með öðrum og leiðbeina sem og að vinna sjálfstætt.

• Hafa unnið með unglingum á framhaldsskólaaldri og geta átt góð og leiðbeinandi samskipti

• Hafa góða tölvukunnáttu og þekkingu á upplýsingatækni, m.a. kunnátta og þekkingu á Office365 og þeim samfélagsmiðlum sem nemendur á framhaldsskólaaldri nýta mest.

Laun samkvæmt gildandi kjarasamningi sem fjármála- og efnahagsráðherra og Viska - stéttarfélag hafa gert.

Umsóknum skal skilað í gegnum Starfatorg, starfatorg.is. Náms- og starfsferilsskrá skal fylgja innsendri umsókn ásamt þeim gögnum sem umsækjendur telja skipta máli í ráðningarferlinu, t.d. prófskírteinum og sakavottorði. Innsend gögn verða lögð til grundvallar ráðningu í starfið. Í samræmi við jafnréttisáætlun skólans er fólk af öllum kynjum hvatt til að sækja um starfið.