Fjölbrautaskólinn í Garðabæ (FG) óskar eftir að ráða kennara til afleysingar í sögu og stjórnmálafræði í sex vikur

FG er framsækinn og traustur framhaldsskóli. Nemendur eru um 700 og starfsfólk skólans um 70 talsins. Skólinn býður upp á fjölbreytt og gott nám í þriggja anna kerfi á sjö brautum til stúdentsprófs auk sérnámsbrautar og starfsmannahópurinn er kraftmikill og metnaðarfullur. Áhersla er lögð á lýðræðislega kennslu- og stjórnunarhætti og góðan skólabrag.

Leitað er eftir kennara með réttindi til kennslu í félagsgreinum á framhaldsskólastigi. Sérstaklega er horft til þess að kennari sýni frumkvæði í starfi, góða samskiptahæfni og sjálfstæði í vinnubrögðum og sé hæfur til að skapa faglegt og hvetjandi námsumhverfi og taka þátt í faglegu samstarfi kennara og starfsfólks við skólann. Starfið er til afleysingar fram í október.

Umsækjandi þarf að hafa réttindi til að nota starfsheitið kennari (leyfisbréf kennara) og uppfylla kröfur um menntun og hæfni skv. lögum nr. 95/2019 og hæfniðviðmið reglugerðar 1355/2022 um almenna og sérhæfða hæfni kennara í framhaldsskóla. Sérstaklega er bent á að kennari þarf að hafa sérhæfingu á viðkomandi fagsviði til að kenna á 2.-4. hæfnisþrepi.

Laun samkvæmt gildandi kjarasamningi sem fjármála- og efnahagsráðherra og Kennarasamband Íslands hafa gert.

Laun eru samkvæmt gildandi kjarasamningi sem fjármála- og efnahagsráðherra og Kennarasamband Íslands hafa gert og nánari útfærslu í stofnanasamningi skólans.

Áhugasamir setji sig í samband við skólameistara eða aðstoðarskólameistara hið fyrsta.