Sálfræðingur í geðheilsuteymi fullorðinna á HSN

Heilbrigðisstofnun Norðurlands (HSN) leitar að drífandi og metnaðarfullum sálfræðingi í geðheilsuteymi fullorðinna. Við óskum eftir jákvæðum einstaklingi sem hefur áhuga á þverfaglegu teymisstarfi og þjónustu við fjölbreyttan hóp skjólstæðinga. Starfið er krefjandi, fjölbreytt og gefandi og býður upp á góð tækifæri til faglegrar þróunar. Góð handleiðsla í boði.

Geðheilsuteymið veitir 2. stigs geðheilbrigðisþjónustu og sinnir fullorðnum með geðrænan vanda sem þurfa á þverfaglegri meðferð að halda. Hægt er að sinna starfinu frá öllum megin starfstöðvum HSN.

Æskilegt er að viðkomandi geti hafið störf sem fyrst eða samkvæmt samkomulagi.

• Greining og meðferð algengustu geðraskana

• Fræðsla, ráðgjöf og stuðningur við skjólstæðinga og aðstandendur

• Þátttaka í uppbyggingu á geðþjónustu við fullorðna á Norðurlandi

• Umbótavinna í þverfaglegu geðheilsuteymi

• Þátttaka í stefnumótun, mótun starfsáætlana og verkferla

• Samstarf við aðrar fagstéttir, stofnanir og þjónustuveitendur

• Sálfræðingur með löggildingu og réttindi til starfa á Íslandi

• Þekking og reynsla af greiningu og meðferð algengustu geðraskana

• Þekking á gagnreyndum meðferðarúrræðum við geðröskunum

• Jákvæð reynsla af vinnu í þverfaglegu teymi er kostur

• Framúrskarandi samskipta- og samstarfshæfni, jákvæðni og hlýtt viðmót

• Lausnamiðuð hugsun og hæfni til að takast á við krefjandi aðstæður

• Frumkvæði, áhugi og metnaður til að ná árangri

• Hreint sakavottorð, gott orðspor og ökuleyfi

Laun samkvæmt gildandi kjarasamningi sem fjármála- og efnahagsráðherra og Sálfræðingafélag Íslands hafa gert.

Með umsókn skal fylgja ítarleg náms- og starfsferilskrá auk kynningarbréfs þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið. Með umsókn skal fylgja afrit af prófskírteini. Fólk af öllum kynjum er hvatt til að sækja um.

Öllum umsóknum verður svarað þegar ákvörðun um ráðningu hefur verið tekin. Umsóknir gilda í sex mánuði frá því umsóknarfrestur rennur út.

HSN vill vera framsækin stofnun, eftirsóknarverður vinnustaður og í fararbroddi í heilbrigðisþjónustu og heilbrigðismenntunar á landsbyggðinni. Hlutverk HSN er meðal annars að stuðla að heilbrigði íbúanna með því að veita faglega, samfellda og heildstæða heilbrigðisþjónustu.

Gildi okkar eru Fagmennska - Samvinna - Virðing.

Tóbaksnotkun og notkun á rafsígarettum er ekki heimil á vinnutíma innan HSN.